MATEUS 4:8 - BIBEL JAMITA NA DENGGAN

⁸ Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

MATEUS 4:8 ပူးပေါင်းရင်းမြစ်များ

ESTER 1:4

Onom bulan honokna raja i patidahon sinadongan ni bagas godangnia i dohot hajagaron maradu hagodangan ni harajaannia i.

ESTER 5:11

Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

BILANGAN 23:3

Dung i didok si Bileam ma tu si Balak, “Jongjong ma ho dison, donok tu haul situtungonmi. Hatiha songon i kehe ma au mangaligi, betak na ra do Tuhan i marsuo dohot au sanga nada. Hupaboa pe di ho sude sanga aha didok Tuhan i tu au.” Dung i kehe ma si Bileam sada ia tu puncut ni sada tor

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MATEUS 4:5

Dung i dioban Sibolis i ma Jesus tu Kota Na Badia. Dibaen ma Ia tu bungkulan ni Bagas Ni Debata.

JOHANNES 5:20

Angke na holong do roha ni Ama i mida Anak i. Dipatidahon Ia muse do sasude na nibaenNia sandiri tu AnakNia i, dohot angka pambaenan na gumodang, patidahononNia dope tu AnakNia i anso longang hamu.

1 PETRUS 1:24

Tarsurat do di Buku Na Badia i songon on, “Tarsongon duhut-duhut do sude jolma, jana songon bunga ni duhut i do hasangapanna. Malos ma duhut i, marurus muse ma bungana i;

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”