MATEUS 4:7 - BIBEL JAMITA NA DENGGAN

⁷ Dialusi Jesus ma, “Tapi laing tarsurat do, ‘Ulang uji Tuhan Debatamu.’ ”

MATEUS 4:7 ပူးပေါင်းရင်းမြစ်များ

MASMUR 106:14

Dirajai hagiotna halahi di padang halongonan, lopus diuji halahi di inganan i, Ho sandiri ale Debata.

MASMUR 78:18

Sangajo do halahi manguji Debata, di na mangido sipanganon por ni rohana.

MASMUR 78:41

Sai diuji do marpupu Debata, pasusahon Debata ni Israel, Na Badia.

MASMUR 78:56

Hape mangalo ma bangsoNa i jana diuji ma Debata Na Gumincat i, angka parentaNa nada be dioloi halahi.

MASMUR 95:9

Diuji halahi do Au disi, haru pe na dung diida halahi nian pambaenanKu.

HARURUAR 17:2

Dung i marungut-ungut ma halahi tu si Musa, ninna ma, “Lehen di hami aek inumon.” Dialusi si Musa ma, “Biasi marungut-ungut jana diuji hamu Tuhan?”

HARURUAR 17:7

Digoari ma inganan i Masa, angke di inganan i ma diuji halak Israel Tuhan, di na nisapaan ni halahi, “Rap dope ulaning Tuhan, dohot hita sanga nada?” Laing margoar do inganan i Meriba, angke di inganan i ma marungut-ungut halahi.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

MALEAKI 3:15

Hara ni i do hita dokkon bahaso marsonang-sonang do angka halak na jungkat, angka na jahat, salang Debata pe diuji halahi do, tapi laing malua do halahi sian jaya.”

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

MATEUS 21:16

Didok halahi ma tu Jesus, “Na so dibege Ho do na nidok ni halahi i?” “Olo, Hubege do,” ninna Jesus mangalusi, “Na so unjung do dibaca hamu hata na mandok: ‘Dakdanak dohot na baru sorang pe na dung Huajari do mandok hata puji-pujian na sun denggan’?”

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 4:4

Dialusi Jesus ma, “Adong do tarsurat songon on: Nada hum sian roti sajo hangoluan ni jolma, tapi sian sude hata na nidok ni Debata do.”

LUKAS 4:12

Dialusi Jesus ma, “Tarsurat do di Buku Na Badia i, ‘Ulang uji Tuhan Debatamu.’ ”

BAENON NI ANGKA RASUL 15:10

Antong, hara ni aha dehe umbaen na diujimunu Debata saonnari markite-hite na mangalehen boban na dokdok tu angka sisean on, hape salang angka ompunta i pe dohot hita sandiri so tolap padalankon i?

BAENON NI ANGKA RASUL 5:9

Dung i didok si Petrus ma tusia, “Biasi dehe satahi hamu giot manguji Tondi Ni Tuhan i? Ligi ma indi, ma mulak halahi na mananom halaklahimi. Obanon ni halahi muse ma ho tu balian.”

1 KORINTUS 10:9

Ulang ma tauji Tuhan songon na nibaen ni halahi narobi, gabe marmatean halahi diturbingi ulok na marbisa.

PANGARATAION 6:16

Ulang uji hamu Tuhan Debatamunu i songon na dung dibaen ho di Masa.

IBRANI 3:9

‘Diuji ompungmunu i do Au disi, jana diuji halahi Au, hape nian madung diida halahi sandiri sasudena na Hubaen opat pulu taon honokna.’