MATEUS 4:23 - BIBEL JAMITA NA DENGGAN

²³ Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MATEUS 4:23 ပူးပေါင်းရင်းမြစ်များ

MASMUR 103:3

Disesa Ia do sude dosamu, jana dipamalum sude nyaemu.

MASMUR 74:8

Na giot manaluhon hami sude do halahi, jana manyurbu sude inganan parsombaon di luat on.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 12:9

Jadi kehe ma Jesus sian i, tu sada bagas paribadatan ni halahi.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 13:54

Mulak ma Ia tu huta hagodanganNia. Jadi kehe ma Ia mangajari di bagas paribadatan na disi. Homang-homang ma sude halak na manangihon i, hara ni tabona. Didok halahi ma, “Sian dia do dapot Ia hamaloon na songon i? Dung i sian dia do dapot Ia hagogoonNia mambaen angka hahomangan i?

MATEUS 14:14

Jadi di na mijur Jesus sian parau i, diida Ia ma halak na bahat i. Gabe ibo ma rohaNia mida halahi. Dipamalum Ia ma sanga ise na marnyae sian halahi.

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 9:35

Songon i ma Jesus mardalani sian kota na sada tu kota na asing, sian huta na sada tu huta na asing. Mangajari ma Ia di angka bagas paribadatan. Dibaritahon Ia ma Jamita Na Denggan taringot tu Harajaan Ni Debata. Dipamalum Ia ma ragam-ragam ni nyae dohot sitaonon ni halak na mardangol.

MARKUS 1:14

Dung tarhurung si Johannes, kehe ma Jesus tu Galilea. Dijamitahon Ia ma disi Jamita Na Denggan na sian Debata.

MARKUS 1:21

Dung i lalu ma halahi tu kota Kapernaum. Di Ari Sabatna i, masuk ma Jesus tu bagas paribadatan jana mamungka ma Ia mangajari.

MARKUS 1:39

Gabe diebati Jesus ma sude Galilea. Dipararat Ia ma Jamita Na Denggan i di angka bagas paribadatan jana mangusir angka begu.

MARKUS 3:10

Ma songon i bahatna dipamalum Ia halak, jana sanga ise na adong nyaena marsiadu ma laho manjama Ia.

MARKUS 6:2

Mamungka ma Ia mangajari di Ari Sabat di bagas paribadatan. Bahat do halak na ro disi. Jadi hatiha na mangajari i Jesus, homang ma roha ni halahi. Didok halahi ma, “Sian dia do diboto Ia sudena i? Hamaloon na bia do na diSia i? Na bia do umbaen na malo Ia mambaen hahomangan i?

MARKUS 6:6

Homang ma rohaNia hara ni na so ra i halahi porsaya. Dung i gabe kehe ma Jesus tu angka huta na donok-donok disi mangajari halak.

LUKAS 10:9

Pamalum hamu ma angka na marnyae na di kota i, jana dokkon hamu ma tu angka halak na disi, ‘Madung donok tu hamu, Harajaan Ni Debata.’

LUKAS 13:10

Di sada hatiha mangajari ma Jesus di bagasan Sinagoge, topet di Ari Sabat.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

LUKAS 20:1

Di sada ari dompak mangajari Jesus di Bagas Ni Debata, jana dijamitahon Ia Jamita Na Denggan tu halak na bahat i, ro ma angka kapala ni malim dohot Siboto Surat dohot hatobangon tusi,

LUKAS 4:14

Dung i mangulahi ma Jesus tu Galilea. Jana gok Tondi do Ia, gabe tarsar ma barita taringot tuSia di luat i sude.

LUKAS 5:17

Di sada hatiha, dompak mangajari Jesus, ro ma halak Parise dohot angka Siboto Surat juguk disi. Sian angka kota na di Galilea, Judea dohot Jerusalem do halahi ro. Adong do kuaso ni Tuhan Jesus laho pamalumkon angka na marnyae.

LUKAS 6:17

Dung i manuat ma Jesus sian dolok i rap dohot angka rasul i, maradian ma halahi jongjong di sada inganan na hornop. Adong muse do disi angka anak siseanNia na asing songon i muse angka halak na marroan sian Judea, sian Jerusalem dohot na sian Tirus dohot Sidon dohot sian angka kota na di topi laut.

LUKAS 6:6

Di Ari Sabat na asing muse, kehe ma Jesus mangajari di bagas paribadatan. Adong ma disi sada halak na mate tangan siamunna.

LUKAS 7:21

Jadi hatiha i topet ma Jesus pamalumkon bahat halak sian nyaena be. Dipaorot Jesus angka tondi na jahat, na mapitung pe gabe marnida dibaen Ia mangulahi.

LUKAS 7:22

Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.

LUKAS 8:1

Nada sadia honok dung i, mardalani ma Jesus tu angka kota dohot huta-huta i. Dijamitahon Ia ma disi Jamita Na Denggan taringot tu Harajaan Ni Debata. Dohot ma dua bolas halak siseanNia i laho mandongani Ia.

LUKAS 9:11

Jadi di na tarboto pangalaho i di halak na bahat, diihutkon halahi ma Jesus. Dijagit Jesus ma halahi, lalu dihobarkon Ia ma taringot tu Harajaan Ni Debata tu halahi. Laing dipamalum Ia muse dope angka halak na marnyae.

LUKAS 9:60

Dialusi Jesus ma, “Padiar ma halak na mate mananom na matena sandiri. Tapi anggo ho, kehe ma ho pararatkon Harajaan Ni Debata.”

JOHANNES 18:20

Ninna Jesus ma mangalusi, “Tangkas do Au mandok hata di jolo ni halak na bahat. Sai mangajari do Au di angka bagas paribadatan dohot di Bagas Ni Debata di inganan ni halak Jahudi na somal marlagut. Nada unjung Hudokkon sanga aha di na buni.

JOHANNES 6:59

Hatiha mangajari ma Jesus di bagas paribadatan na di Kapernaum didokkon Ia sudena i.

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 18:4

Tapi muda di Ari Sabat sai kehe do si Paulus mangkobar-hobari tu bagas paribadatan laho manyosoi halak Jahudi dohot halak Junani anso porsaya halahi.

BAENON NI ANGKA RASUL 20:25

Madung hutogu hamu sudena jana madung hujamitahon muse tu hamu Harajaan Ni Debata. Anggo saonnari ninna rohangku, nada marsuo be au dohot hamu.

BAENON NI ANGKA RASUL 28:31

Jana nada pola adong biarnia paboahon Harajaan Ni Debata tu halahi, songon i taringot tu Tuhan Jesus Kristus. Bebas do si Paulus mambaen songon i, nada pola adong na mangambat-ambati ia.

SURAT NI SI PAULUS TU PARLAGUTAN ROM 10:15

Tapi songon dia ma he halahi manjamitahon, muda nada disuru? Songon na tarsurat i, “Denggan na i haroro ni sioban Barita Na Denggan i!”