MATEUS 4:17 - BIBEL JAMITA NA DENGGAN

¹⁷ Sian i ma dipungka Jesus marjamita mandokkon, “Pauba hamu ma rohamunu, dibaen madung donok Harajaan Ni Banua Ginjang.”

MATEUS 4:17 ပူးပေါင်းရင်းမြစ်များ

MATEUS 10:7

Kehe ma hamu manjamita, dok hamu ma: Madung donok Harajaan Ni Banua Ginjang.

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

MATEUS 13:24

Dung i dipaboa Jesus ma sada hari umpama tu halak na bahat i songon on, “Anggo Harajaan Ni Banua Ginjang tudos do i tu sada halak partani na manyabur same na denggan di ladangnia.

MATEUS 13:47

“Anggo Harajaan Ni Banua Ginjang laing tarsongon jala na nisampakkon tu laut do i. Gabe dapot ma marragam-ragam ihan.

MATEUS 13:9

Sanga ise na marpinggol, ditangihon ia ma!”

MATEUS 25:1

“Muda ro Anak Ni Jolma i songon Tuhan, tarsongon umpama on do pangalahona: Sampulu halak bujing-bujing pandongani ni bayo pangoli na mambuat lampu laho kehe mangalo-alo bayo pangoli i.

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 6:10

ro ma HarajaanMu tulus ma rohaMu di tano on, songon di banua ginjang.

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

LUKAS 15:7

Laing songon i ma pangalahona di banua ginjang i, tangkas ma Hupaboa di hamu! Jumop do roha ni Tuhan hara ni sada halak na jahat na pauba rohana sian angka dosana ulang pado sisambilan pulu sambilan halak na denggan roha na so porlu paubahon roha.”

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

LUKAS 3:23

Di na baru mamungka karejoNia Jesus, marumur ma Ia tar tolu pulu taon. Anggo pandok ni halak, anak ni si Josep do ia, i ma anak ni si Eli,

LUKAS 5:32

Nada giot mamiohon halak na tigor umaben na ro Au, tapi mamiohon si pardosa do anso di pauba rohana.”

LUKAS 9:2

Dung i disuru Ia ma halahi anso kehe pasarkon barita taringot tu Harajaan Ni Debata dohot pamalumkon halak na marnyae.

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

IBRANI 6:1

Hara ni i, tapadiar ma jolo ojahan na parjolo sian ajaran taringot tu Kristus, jana taparayak ma hasanggapan i. Ulang be taulahi mambaen ojahan taringot tu hamubaan ni roha sian pambaenan na so hasaya, jana ojahan haporsayaan tu Debata,