MATEUS 4:15 - BIBEL JAMITA NA DENGGAN

¹⁵ “Tano Zebulon dohot Naftali, i ma dalan laho tu laut, di ipar ni Batang aek Jordan, Galilea i ma inganan ni na so halak Jahudi!

MATEUS 4:15 ပူးပေါင်းရင်းမြစ်များ

1 RAJA-RAJA 9:11

Sude hayu ares na sian Libanon dohot hayu ares na somal bope sude sere na porlu di si Salomo sipakeon tu pambangunan i madung dilehen Raja Hiram disia. Dung sidung karejo i, dilehen Raja Salomo ma tu si Hiram dua pulu kota na di Luat Galilea.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

JESAYA 9:1

Tapi nada jabat sadia honok nari, malua ma halahi sian hasusaan i. Angka luat na niinganan ni Marga Zebulon dohot Naftali jungada do dietong i na bile. Tapi anggo tu hatiha na giot ro, sude luat i sian sabola Habincaran ni Laut Tonga lopus taripar ni Batang aek Jordan, lopus tu Galilea tehe na niinganan ni halak na asing, gabe mandapot sangap ma.

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.

MATEUS 4:14

Hara ni na nibaen ni Jesus songon i, gabe tulus ma na nidok ni Panurirang Jesaya na mandok,

MATEUS 4:25

Bahat sajo do halahi na mangihutkon Jesus di hatiha i – adong na ro sian Galilea, adong ma i na ro sian Luat Dekapolis (artina Sampulu Kota), adong na sian Jerusalem dohot sian Judea. Adong dope na ro sian luat na di ipar ni Batang aek Jordan.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

JOSUA 20:7

Jadi ditontuhon halak Israel ma angka na mangihut on gabe kota haporusan: Kedes di partoran Naftali na di Galilea, Sikem di partoran Efraim; dohot Hebron di partoran Juda.

JOSUA 21:32

Sian Marga Naftali dijagit halahi tolu kota, i ma: Kedes dohot padang-padangna Hamad-Dor, Kartan, dohot angka tano padang-padangna.