MATEUS 4:10 - BIBEL JAMITA NA DENGGAN

¹⁰ Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 4:10 ပူးပေါင်းရင်းမြစ်များ

1 JUJUR TAON 21:1

Sai giot agoon ni Sibolis do halak Israel; jadi dijajang Sibolis i ma si Daud anso mambaen sensus.

JOB 1:12

Gabe didok Tuhan ma tu Sibolis, “Antong, baen ma sanga aha tu sasude sinadongan ni si Job, asal ma ulang diparhanciti ho ia!” Bulus kehe ma Sibolis sian jolo ni Tuhan.

JOB 1:6

Di na sanoli mangadop ma angka mahluk pardibanua ginjang tu Tuhan jana dohot ma mangihut di tonga-tonga ni halahi Sibolis.

JOB 2:1

Mangulahi ro angka mahluk parbanua ginjang mangadop tu Tuhan, jana laing dohot do Sibolis di tonga-tonga ni halahi.

MASMUR 109:6

Padiar ma halak na jurngit mangadili musungki jana diuhumi alona sandiri.

HARURUAR 23:25

Muda disomba hamu Au, Tuhan Debatamunu, pasupasuonKu ma hamu pasingkop sipanganon dohot si inumonmunu, jana padaoonKu ma nyae sian hamu.

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

MATEUS 16:23

Tapi humusor ma Jesus manaili tu si Petrus, didok Ia ma, “Morot ho sian on, Sibolis! Gabe batu partuktuhan do ho di Au. Pikiran ni jolma do pikiranmi! Inda pikiran ni Debata na songon i!”

MARKUS 1:13

Opat pulu ari ma Ia disi, diuji Sibolis i. Angka binatang riar pe adong do na rap dohot Ia disi, jana ro do angka surusuruan mangoloi Ia.

LUKAS 10:18

Dialusi Jesus ma, “Huida do madabu Sibolis sian langit songon hilap.

LUKAS 11:18

Muda masa parbadaan di bagasan harajaan ni Sibolis, na sada tu na asing, tarbia ma partahanna harajaan i? Didok hamu, hara ni pangurupi ni si Beelsebul do Hupaorot begu i.

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”

LUKAS 22:3

Dung i disonggopi Sibolis ma si Judas na nigoaran muse si Iskariot, i ma sahalak sian sidua bolas halak sisean ni Jesus.

LUKAS 22:31

“Simon, Simon, tangihon jolo! Madung diisinkon Sibolis i laho manguji hamu sude, songon partani na mamiari dahanon sian guapak.

LUKAS 4:8

Dialusi Jesus ma, “Tarsurat do di Buku Na Badia i, ‘Somba ma Tuhan, Debatamu jana Ia sajo do sioloanmu!’ ”

JOHANNES 13:27

Disi dijagit si Judas roti i, manigor susur ma Sibolis i tusia. Dung i didok Jesus ma tusia, “Pasigop ma baen sanga na aha giot baenonmu!”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

1 KORINTUS 5:5

angkon pasahatonmunu do halak na songon i tu Sibolis anso disegohon pamatangna i jana di na songon i paluaon ma tondina di na ro mangulahi Tuhan i.

1 KORINTUS 7:5

Ulang ma marsipadaoan halak na saripe, muda so sian tumbuk ni tahi sanga sadia lolotna, anso bisa hamu rap martangiang. Dung i mardomu ma hamu mangulahi, anso unang diuji Sibolis hamu, harana nada tahan hamu marpuaso.

2 KORINTUS 11:14

Inda pola homang roha mida pambaenan na songon i, angke haru Sibolis i pe dipasuman-suman halahi do surusuruan ni hatorangan i!

2 KORINTUS 12:7

Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.

2 KORINTUS 2:11

Hubaen pe songon i, anso ulang adong do dalan di Sibolis i laho mangarajai hita, angke taboto do angka sangkap ni Sibolis.

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

JAKOBUS 4:7

Antong, oloi hamu ma Debata jana alo hamu ma Sibolis i, anggo i marlojongi ma Sibolis i sian hamu.

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

1 PETRUS 5:9

Alo hamu ma i, jana ulang ma ganggu haporsayaanmunu tu Kristus i, harana diboto hamunu do, angka donganmunu pe di portibi on na rap sahaporsayaan tu Kristus i, laing manaon parkancitan do songon hamu.

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”