MATEUS 3:9 - BIBEL JAMITA NA DENGGAN

⁹ Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

MATEUS 3:9 ပူးပေါင်းရင်းမြစ်များ

JEHESKIEL 33:24

“Ale jolma parsantongkinan, didok angka jolma na maringanan di angka lobu ni parhutaan na di tano Israel i do, ‘Dapot si Abraham do sude tano on, hape sasada ia sajo do nian. Hita on songon i ma bahatta, jadi gabe hita noma nampuna on.’ ”

MARKUS 7:21

Angke sian bagasan ni sada-sada halak, i ma na sian rohania, marroan angka pikiran na jahat na mambaen ia gabe mambaen na rogon, manangko, mamunu,

LUKAS 12:17

Marpikir ma ia di bagasan rohania, ‘Aha ma ulaning sibaenonku saonnari? So adong inganan panyimpanan ni sude suha ni artangki.

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

LUKAS 19:40

Tapi dialusi Jesus ma tu halahi, “Hudok ma di hamu, muda sip halahi, marsurahi ma angka batu on.”

LUKAS 3:8

Patidahon hamu ma jolo pangalahomunu paboa na dung muba hamu sian angka dosamunu i! Dung i ulang pola dok hamu di bagasan rohamunu, ‘Si Abraham do ompungnami! Angke angkon ingotonmunu do: Sian angka batu on pe tarbaen Debata do pinompar di si Abraham!’

LUKAS 5:22

Diboto Jesus do na di bagasan roha ni halahi. Gabe ning Ia ma, “Aha dehe dipikiri hamu di bagasan rohamunu?

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

JOHANNES 8:33

Ninna halahi ma, “Pomparan ni si Abraham do hami. Nada jungada dope hami gabe hatoban ni sanga ise pe! Aha do maksudmu umbaen didok Ho, ‘Paluaon ma hamu?’ ”

JOHANNES 8:37

Huboto do, pomparan ni si Abraham do nian hamu. Hape laing giot dibunu hamu do Au, hara ni na so ra hamu manjagit pangajaranKi.

JOHANNES 8:53

Madung mate angka panurirang. Dohot ise ma patudosonMu diriMu? Adong he gumodang Ho ulang pado amanami si Abraham na dung mate?”

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

BAENON NI ANGKA RASUL 15:14

Madung nipajojor si Simon bahaso sian mulana madung dipatuduhon Debata holongNia tu angka bangso na asing, anso laing dohot sian halahi dipili Debata na gabe bangsoNia.

SURAT NI SI PAULUS TU PARLAGUTAN ROM 4:1

Antong, aha ma tardok hita taringot tu ompunta si Abraham? Aha ma he na dumpang di hajolmaonnia lakna?