MATEUS 3:7 - BIBEL JAMITA NA DENGGAN

⁷ Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

MATEUS 3:7 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

JESAYA 59:5

Mangkorhon hamatean do angka sangkapmunu na jahat i songon pira ni ulok na marbisa. Muda ditaporkon hamu pira ni ulok i, gabe ruar ma ulok sian i! Hape umpe bagi aha guna ni sangkapmunu i di hamu, tudos tu pakean na nibaen sian asar ni tamboung!

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEREMIA 6:10

Tu ise ma lakna mangkobari jana marsaksi anso diparate-atehon halahi? Satutuna, nada marsunat pinggol ni halahi, jadi nada marbinege! Satutuna, gabe incak-incak do hataNia di halahi, jana nada dihagioti halahi!

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

MATEUS 15:12

Dung i gabe didok anak siseanNia i ma tuSia, “Diboto Guru i dehe na goyak roha ni halak Parise i, umbege hata na nidok ni Guru i?”

MATEUS 16:1

Ro ma halak Parise dohot halak Saduse mandapotkon Jesus. Na giot manjalak-jalahi hasalaan ni Jesus do roha ni halahi. Dipangido halahi ma anso dipataridahon Ia sada tanda sian banua ginjang.

MATEUS 16:6

Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.

MATEUS 22:23

Laing di na sadari i, ro ma halak Saduse mandapotkon Jesus. Halahi ma na mandok, na so mulak mangolu halak na dung mate, jana disapai halahi ma Ia,

MATEUS 22:34

Jadi dung tarboto tu halak Parise, na dung tarhohom halak Saduse dibaen Jesus, gabe marlagut ma halahi.

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

MATEUS 5:20

Jadi Hudok ma tu hamu: Muda nada sumurung hatigoranmu sian hatigoran ni angka Parise dohot Siboto Surat, nada tarbaen hamu masuk tu Harajaan Ni Banua Ginjang.”

MARKUS 12:13

Disuru ma sanga na piga halak Parise dohot angka anggota ni si Herodes laho manjalahi hasalaan ni Jesus marhite angka sapa-sapa.

MARKUS 12:18

Adong ma sanga na piga halak sian halak Saduse ro mandapotkon Jesus. (Mangihutkon pandapot ni halak on, anggo jolma nada be mulak mangolu muda dung mate.)

MARKUS 8:15

“Manat-manat ma hamu maradopkon ragi ni halak Parise dohot ragi ni si Herodes,” ninna Jesus tu halahi.

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

LUKAS 7:30

Tapi anggo halak Parise dohot angka Siboto Surat nada ra be halahi manjagit sangkap ni Debata tu halahi. Nada ra halahi dipandidihon si Johannes.

JOHANNES 1:24

Na nisuru ni halak Parise do angka na manyapai i.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

JOHANNES 9:40

Jadi dibege halak Parise na adong disi do na nidok ni Jesus songon i, gabe didok halahi ma tuSia, “Na didok rohaMu do na mapitung hami on?”

BAENON NI ANGKA RASUL 15:5

Tapi ro ma deba sian halak Parise na dung porsaya, jongjong mandok hata, “Anggo bangso na asing i na dung gabe porsaya angkon laing nisunat do halahi jana aturkonon laho mangihutkon angka tona ni si Musa.”

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

BAENON NI ANGKA RASUL 26:5

Madung honok ditanda halahi au. Sugari ra halahi, tarsaksihon halahi do paboa na halak Parise do au sian mulana jana huihutkon do sude aturan na umborat di ugamonami.

BAENON NI ANGKA RASUL 5:17

Ujungna ro ma Malim Godang i dohot sudena dongannia, i ma golongan ni angka Saduse, mangamuk ma halahi hara ni na mangiburu.

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 5:9

Tarlumobi, hara ni na dung dipatigor hita saonnari di bagasan mudarNia, pasti do hita dipalua sian rimas ni Debata.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.