MATEUS 3:5 - BIBEL JAMITA NA DENGGAN

⁵ Marroan ma halak Jerusalem, dohot angka halak Judea na asing i dohot halak na donok tu Batang aek Jordan manopot si Johannes.

MATEUS 3:5 ပူးပေါင်းရင်းမြစ်များ

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 4:25

Bahat sajo do halahi na mangihutkon Jesus di hatiha i – adong na ro sian Galilea, adong ma i na ro sian Luat Dekapolis (artina Sampulu Kota), adong na sian Jerusalem dohot sian Judea. Adong dope na ro sian luat na di ipar ni Batang aek Jordan.

MARKUS 1:5

Markehean ma halak sian Judea dohot sian Jerusalem laho manangihon si Johannes. Dioku halahi ma dosa ni halahi, dung i dididihon si Johannes ma halahi di Batang aek Jordan.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

LUKAS 3:3

Si Johannes pe kehe ma mandalani sude angka luat na di Batang aek Jordan pabolkaskon barita na sian Debata disi. Didok si Johannes ma, “Pauba hamu ma rohamunu sian angka dosamunu, jana lehen ma dirimu nididi anso disesa Debata hamu.”

LUKAS 3:7

Bahat do halak marroan mandapotkon si Johannes anso dididi. Didok si Johannes ma tu halahi, “Hamu angka pomparan ni ulok! Ise ma he na mandok tu hamu laho palua diri sian hamumuruk ni Debata na giot ro i?

JOHANNES 3:23

Hatiha i nada tarhurung dope si Johannes Pandidi. Di Ainon do ia mandidihon, nada sadia dao i sian Salim, harana bahat do disi aek. Marroan ma halak mandapotkon ia jana dipandidihon ia ma halahi.

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.