MATEUS 3:15 - BIBEL JAMITA NA DENGGAN

¹⁵ Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

MATEUS 3:15 ပူးပေါင်းရင်းမြစ်များ

JESAYA 42:21

Tuhan marpor ni roha mambaen anso malua, mangalehen pangajaranNia na godang jana marmulia.

MATEUS 3:14

Tapi ditulak si Johannes do pangidoanNia i. Ning ia ma, “Au do na patut didihononMu! Jana biasi Ho ro tu au?”

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

JOHANNES 13:15

Tiruan do na Hubaen i tu hamu, anso dibaen hamu muse songon na Hubaen i tu hamu.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

1 JOHANNES 2:6

Sanga ise na mandok na marsada ngoluna dohot Debata, angkon laing songon Jesus Kristus ma muse ngoluNia.