MATEUS 3:12 - BIBEL JAMITA NA DENGGAN

¹² DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

MATEUS 3:12 ပူးပေါင်းရင်းမြစ်များ

JOB 21:18

Unjung ma he halahi songon durame dohot abuan na niombus ni halingsungsung dohot haba-haba?

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

MASMUR 35:5

Padiar ma diburu Surusuruan Ni Tuhan halahi songon lapung hiap na niombus ni alogo.

JESAYA 1:31

Songon durame na puntung dibaen gurasa ni api, songon i muse ma angka halak na markuaso luntahon ni angka pambaenan ni halahi sandiri, jana nada adong na tarbaen mangantak haroroncona i.

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JESAYA 27:4

Nada muruk be Au sanga na biraraon. Sugari pe laing adong duhut sanga sihupi, Au noma torus mamorangi abis ma i sudena Hututungi.

JESAYA 28:28

Muda mardege gandum, nada dibalbali ia i torus-torusan lopus maropuk. Nada! Diboto ia do mardege i denggan di na nipadalannia garobak di ginjangna i so pola maropuk batu ni gandum i.

JESAYA 30:24

Lombu jantan dohot halode na mambajak ladangmunu panganonna ma jampalan na lumomak, na nipasingkop tusi.

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEREMIA 15:7

Hupiari ma halahi dohot anduri di sude inganan di luat on. BaenonKu ma bangsongKu agoan anak, jana pangabisonKu halahi, harana inda maruba halahi sian pangalahona.

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JEREMIA 4:11

Di hatihana i dohonon ma tu bangso on dohot tu rayat ni Jerusalem: “Mangombus ma alogo na milas sian angka tor, na harsang di padang halongonan tu angka boru ni bangsongKu; nada na giot mamurpur sanga na paiaskon.”

JEREMIA 51:2

Giot suruonKu angka halak na asing na giot mangaroncohon Babel songon alogo na manghabangkon guapak. Di ari hamamago i serangon ni halahi ma luat i sian sude haroroan jana ias paiasonna.

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

AMOS 9:9

BaenonKu ma parenta jana piaranna ma bangso Israel songon pamiari ni halak di gandum di bagasan anduri. Laho pasidingkon sude na so marguna sian tonga-tonga ni halahi, hursuhonKu ma halahi di tonga-tonga ni angka bangso.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

LUKAS 3:16

Hara ni i ma umbaen didok si Johannes tu halahi sude, “Dohot aek do hudidi hamu, tapi ro ma sanoli on Sada halak na gumodang sian au. Mangkarhari tali sipatuNa pe nada tarpake dope au. DidihononNia ma tu hamu Tondi Parbadia dohot api.

LUKAS 3:17

Madung rade Ia mamiari, laho paiaskon eme sian lapung. PalagutonNia ma eme tu talobat, tapi anggo lapungNa i tutungonNia ma tu api na so ra mintop!”

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.