MATEUS 3:11 - BIBEL JAMITA NA DENGGAN

¹¹ Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

MATEUS 3:11 ပူးပေါင်းရင်းမြစ်များ

JESAYA 4:4

Markite-hite kuasoNia sandiri, adilan ni Tuhan ma bangsoNia i jana papolinonna. BasuonNia ma Jerusalem sian hasalaanna dohot sian mudar ni halak na so marsala na hona bunu di kota i.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MATEUS 3:6

Dioku halahi ma angka dosa ni halahi, gabe dididihon si Johannes ma halahi di Batang aek Jordan i.

MARKUS 1:4

Songon na tarsurat i, laing songon i ma haidaan si Johannes di halongonan i. Dididihon ia do halak jana dipabolkas ia ma jamita na sian Debata. “Pauba hamu ma rohamunu sian angka dosamunu, dung i angkon nipandidihon do hamu anso diampuni Debata dosamunu,” ning si Johannes.

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

LUKAS 3:16

Hara ni i ma umbaen didok si Johannes tu halahi sude, “Dohot aek do hudidi hamu, tapi ro ma sanoli on Sada halak na gumodang sian au. Mangkarhari tali sipatuNa pe nada tarpake dope au. DidihononNia ma tu hamu Tondi Parbadia dohot api.

LUKAS 3:3

Si Johannes pe kehe ma mandalani sude angka luat na di Batang aek Jordan pabolkaskon barita na sian Debata disi. Didok si Johannes ma, “Pauba hamu ma rohamunu sian angka dosamunu, jana lehen ma dirimu nididi anso disesa Debata hamu.”

JOHANNES 1:15

Ro do si Johannes gabe saksina, dipaboa ia ma: “On ma da Ia na hudokkon i: Na giot ro do Ia umpudi sian au, tapi na gumodang ulang au, angke dompak so adong dope au, madung adong hian Ia.”

JOHANNES 1:30

Ia ma na hudokkon i na umpudi ro ulang au, tapi na gumodang dope Ia sian au; angke na dung adong hian do Ia dompak so sorang dope au.

BAENON NI ANGKA RASUL 1:5

Harana anggo si Johannes, aek do dididihon ia tu hamu, tapi nada pola piga ari nari be pandidihonon ma hamu dohot Tondi Parbadia.”

BAENON NI ANGKA RASUL 19:4

Dung i didok si Paulus ma, “Anggo si Johannes mandidihon halak laho patandahon na dung muba do roha ni angka jolma i sian dosana be. Tapi laing dipaboa si Johannes do tu halak Israel, angkon porsaya dope halahi tu Sahalak na umpudi ro ulang ia, i ma Jesus,” ning ia.

BAENON NI ANGKA RASUL 8:36

Di tonga dalan i lalu ma halahi tu sada inganan na adong aek disi. Didok parpangkat i ma, “Ligi pe da, adong do aek indi! Aha dope na hurang anso tardidi au?” [

BAENON NI ANGKA RASUL 8:38

Dung i disuru ia ma maradian jolo karetania i; jadi manuat ma si Pilipus dohot parpangkat i tu aek i, dipandidihon si Pilipus ma ia.

1 KORINTUS 12:13

Angke markite-hite sada Tondi, nipandidihon do hita sude gabe sada pamatang, bope halak Jahudi bope halak Junani, bope naposo bope halak na malua. Songon i muse, nipainum do hita dohot Tondi na sada i.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”