MATEUS 28:9 - BIBEL JAMITA NA DENGGAN

⁹ Jadi ompot ma ro Jesus mandapotkon dadaboru i. Didok ma tu halahi, “Horas ma di hamu!” Dipadonok halahi ma tuSia, dihaol halahi ma patna i. Disomba halahi ma Ia!

MATEUS 28:9 ပူးပေါင်းရင်းမြစ်များ

JESAYA 64:5

Lomo do rohaMu mida halak na jujur jana na mangolu mangihutkon hagiotMu. Muruk Ho tu hami, hape laing hami pupu mardosai tutu pardosa do hami tu Ho sian na robi.

MATEUS 14:33

Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

MATEUS 23:7

Na jopan roha ni halahi ditabi halak di poken, muda didok halak tu halahi ‘Gurunami’.

MATEUS 28:10

Jadi didok Jesus ma tu halahi, “Ulang hamu mabiar, kehe ma hamu, baritahon hamu ma i tu angka kahanggingKu anso kehe halahi tu Galilea, disi ma diida halahi Au.”

MATEUS 28:17

Dung i diida halahi ma Jesus disi, tungkap ma halahi manyomba Ia. Tapi adong dope deba sian halahi na ganggu dope rohana.

MATEUS 28:8

Diompoti dadaboru i ma maninggalkon kuburan i. Mabiar marcampur jop ni roha, dilojongi halahi ma laho paboahon pangalaho i tu angka anak sisean ni Jesus.

LUKAS 1:28

Jadi ro ma surusuruan i tu si Maria mandok, “Horas ma di ho, bujing-bujing na nipasupasu ni Tuhan! Sai rap do Tuhan i dohot ho!”

LUKAS 24:52

Dung i tungkap ma halahi marsomba tuSia, lalu mulak ma halahi tu Jerusalem mardongan jop ni roha situtu.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.

JOHANNES 12:3

Dung i ro ma si Maria maroban hira-hira satonga liter narwastu, i ma miak na lobi huskus jana na arga situtu. Diusehon ia ma miak i tu pat ni Jesus jana diapus ia ma dohot obuknia. Gabe huskus ma sude bagas i hara ni uap ni miak na huskus i.

JOHANNES 20:19

Laing di Ari Minggu i dung borngin marlagut ma anak sisean ni Jesus di sada bagas. Digoruk halahi ma sude pintu ni bagas i; hara ni na mabiar halahi tu angka parkuaso ni halak Jahudi. Jadi tompu ma ro Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.