MATEUS 28:2 - BIBEL JAMITA NA DENGGAN

² Jadi tompu ma masa lalo na gogo. Na mijur do sada surusuruan sian banua ginjang manggulang batu panutup ni tanoman i. Dung i juguk ma ia diginjang batu i.

MATEUS 28:2 ပူးပေါင်းရင်းမြစ်များ

MATEUS 27:60

Dipayakkon si Josep ma bangke ni Jesus i di bagasan kuburan, ia puna sandiri. Na baru dituhil dope i, i ma di sada dolok batu. Digulang ia ma sada batu na godang tu baba ni kuburan i, kehe ma ia.

MATEUS 27:66

Jadi kehe ma halahi tu kuburan i. Disegel halahi ma batu panutupna i. Dung i disuru halahi ma angka tentara na manjagoi disi.

JOHANNES 20:1

Andostorang ni Ari Mingguna i kehe ma si Maria Magdalena tu kuburan i. Diida ia ma madung digulang batu panutup ni tanoman i sian baba ni kuburan i.

BAENON NI ANGKA RASUL 16:26

Jadi tompu ma ro lalo na lobi gogo, jabat humutur dohot ojahan ni hurungan i. Marbuka ma sude pintu ni hurungan i jana martaldusan muse ma angka rante ni na tarhurung i sude.

BAENON NI ANGKA RASUL 5:19

Tapi bornginna i ro ma sahalak surusuruan ni Tuhan mambuka angka pintu ni hurungan i, dioban ia ma angka rasul i tu ruar. Didok surusuruan i ma tu angka rasul i,

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.