MATEUS 28:18 - BIBEL JAMITA NA DENGGAN

¹⁸ Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MATEUS 28:18 ပူးပေါင်းရင်းမြစ်များ

MASMUR 89:19

Narobi di bagasan sada parnidaan, didok Ho tu naposoMu na setia, “Madung Huurupi sada halak na tongam, madung Hupatimbo sada halak sian tonga-tonga ni na bahat.

MASMUR 89:27

Hubaen ia gabe anakKu siangkaan, sian sandok raja, ia ma na gumodang.

PODA 8:15

Hubantu do angka raja mandalankon pamarentaon angka parkuaso hutolong manjongjongkon hatigoran.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

JOHANNES 13:3

Diboto Jesus do na dung dipasahat AmangNia sude kuaso tuSia. Jana diboto Ia muse do na ro sian Debata Ia, jana angkon mulak muse Ia tu Debata.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JOHANNES 3:31

Ise na ro sian ginjang do di ginjang ni sudena. Na ro sian tano on, di tano on do, jana mangkobari do ia taringot tu tano on. Anggo na ro sian ginjang i, di ginjang ni sudena do.

JOHANNES 3:35

Dihaholongi Damang do AnakNia jana madung dipasahat Damang sasudena tuSia.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 2:36

“Hara ni i ma angkon gabe sude halak Israel tangkas umboto bahaso Jesus na niparsilangkonmunu i, laing Jesus i muse do na nibaen ni Debata gabe Tuhan dohot Kristus!”

SURAT NI SI PAULUS TU PARLAGUTAN ROM 14:9

Madung mate Kristus, jana mulak mangolu. Hara ni i ma umbaen na gabe Tuhan Ia di halak na mangolu dohot muse di angka na dung mate.

1 KORINTUS 15:27

“Madung dipatunduk Debata tuSia sasudena na adong.” Anggo na nidokna di bagasan pandohan “sasudena na adong” madung torang na so dohot di bagasan ni i Debata sandiri na patundukkon sasudena i tu Kristus.

KOLOSSE 2:10

Jana di na mardomu dohot Kristus, sanggam ma ngolumunu dibaen Ia. Angke Kristus do uluan ni sude tondi na markuaso dohot na mamarenta.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

IBRANI 2:8

jana dibaen Ho ia gabe pangarajai ni sasudena.” Antong muda didok, Debata manjadihon jolma gabe “pangarajai ni sasudena,” astuan ni i, nada adong be sanga aha na so di toru ni kuaso ni jolma. Haru songon i pe nada adong be taida saonnari jolma na markuaso di ginjang ni sasudena.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”