MATEUS 28:17 - BIBEL JAMITA NA DENGGAN

¹⁷ Dung i diida halahi ma Jesus disi, tungkap ma halahi manyomba Ia. Tapi adong dope deba sian halahi na ganggu dope rohana.

MATEUS 28:17 ပူးပေါင်းရင်းမြစ်များ

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 45:11

Hajogian ni rupamu mambaen tartarik roha ni raja i, ia do tuanmu, oloi ma i.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 28:9

Jadi ompot ma ro Jesus mandapotkon dadaboru i. Didok ma tu halahi, “Horas ma di hamu!” Dipadonok halahi ma tuSia, dihaol halahi ma patna i. Disomba halahi ma Ia!

MARKUS 16:11

Tapi dung dibege halahi carito ni si Maria na mangolu do Jesus jana si Maria sandiri madung marnida Jesus, inda porsaya halahi.

MARKUS 16:13

Jadi mulak ma halahi laho paboahon i tu angka na asing i. Tapi halahi pe laing inda ra porsaya.

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

BAENON NI ANGKA RASUL 1:3

Dung mate Ia, adong do opat pulu ari honokna sai marpupu dipatidahon Ia diriNia tangkas di angka rasul i paboa na tutu do Ia mangolu. Diida halahi do Ia tangkas jana dihatahon Ia do tu halahi taringot tu Harajaan Ni Debata.

1 KORINTUS 15:6

Dung i dipatidahon Ia muse dope Ia tu lobi lima ratus halak di sada hatiha. Bahatan na mangolu dope halahi saonnari, hum deba dope na jumolo.