MATEUS 27:46 - BIBEL JAMITA NA DENGGAN

⁴⁶ Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”

MATEUS 27:46 ပူးပေါင်းရင်းမြစ်များ

MASMUR 22:1

Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

MASMUR 71:11

Didok halahi, “Madung ditadingkon Debata ia; beta ma takojar jana tatangkup ia, angke nada adong be na paluahonsa.”

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

MATEUS 27:47

Bahat do halak na marjongjongan disi mambege na nidokNia i. Gabe didok halahi ma, “Na mamiohon si Elia do i!”

MARKUS 15:34

Di pukul tolu andospotang i mangangguk ma Jesus marsora na gogo, “Eloi, Eloi, lama sabakhtani?” astuanna, “O DebatangKu, DebatangKu biasi ditinggalkon Ho Au?”

LUKAS 23:46

Dung i marsurak ma Jesus gogo, “Ale Amang! Tu bagasan tanganMu ma Hupasahat tondingKu!” Dung didok Ia songon i marujung ma ngoluNia.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.