MATEUS 27:40 - BIBEL JAMITA NA DENGGAN

⁴⁰ Ninna halahi ma, “Heh! Ho ma na giot mangarumpakkon Bagas Ni Debata, giot pajongjongonMu ma i di bagasan tolu ari! Muda na tutu ma Ho Anak Ni Debata, antong palua ma diriMu sandiri! Mijur ma Ho sian silang i!”

MATEUS 27:40 ပူးပေါင်းရင်းမြစ်များ

MATEUS 16:4

“Songon on ma jahatna dohot durakona na giot mangido tanda? Hum sada tanda pe nada patuduhonon tu hamu, asing sian tanda na tu si Junus.” Dung didokkon Jesus songon i, ditinggalkon Ia ma halahi, lalu kehe Ia.

MATEUS 26:61

Didok halahi ma, “Didok bayo on do, ‘Tarumpakkon Au do Bagas Ni Debata, tapi di bagasan tolu ari tar pajongjong Au mangulahi.’ ”

MATEUS 27:41

Mangincahi ma tu Jesus sude angka Sintua Ni Malim dohot sude angka Siboto Surat ni Jahudi i dohot sude hatobangon ni halak Jahudi.

MATEUS 27:42

“Halak na asing dipaluasa hape Ia sandiri so tarpaluasa! Raja Ni Israel ma Ia ning Ia, anggo mijur ma Ia saonnari sian silang i. Anso porsaya hami diSia.

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

MATEUS 4:6

Dung i didok Sibolis i ma tuSia, “Muda na tutu ma Ho Anak Ni Debata, ambur ma tu toru, harana angke adong do tarsurat songon on, ‘Suruon ni Debata ma angka surusuruanNia manjago Ho, tarehonon ni halahi ma tanganna manjagit Ho ulang tombom patMu tu batu.’ ”

LUKAS 16:31

Tapi didok si Abraham ma tusia, ‘Muda so diampirkon halahi do si Musa dohot angka panurirang i, indangkon na ra halahi porsaya haru pe adong halak na mate mulak mangolu.’ ”

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.