MATEUS 27:4 - BIBEL JAMITA NA DENGGAN

⁴ Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

MATEUS 27:4 ပူးပေါင်းရင်းမြစ်များ

1 RAJA-RAJA 21:27

Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.

2 RAJA-RAJA 24:4

lumobi ma i hara ni pamunuon na nibaennia maradopkon angka halak na so marsala, inda ra Tuhan manyesa dosa ni Manase hara ni angka pambaenanna.

JOB 13:4

Dibaen ditutupi ho do otomu dohot gabus, nada adong imbarna songon angka datu pargabus.

MASMUR 94:21

Marsatahi halahi mangalo halak na jujur, jana mandabu uhuman mate tu halak na so marsala.

HARURUAR 12:31

Laing di borngin i dipio raja i si Musa dohot si Harun ning ia ma, “Kehe ma hamu, sian on! Morot sude! Kehe ma hamu manyomba Debatamunu songon na nipangidomunu i.

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

PODA 12:8

Halak na marroha, papuji-pujion, halak na bodo panyaor-nyaoron.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

JUNUS 1:14

Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.”

MATEUS 27:19

Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

LUKAS 23:22

Dung i patolu nolihon marsurak ma si Latus tu halahi. Ninna si Latus ma, “Aha ma he hasalaanNia? Nada adong dapot au sada pe hasalaan diSia na patut uhumon Ia tu hamatean! Huajar ma Ia, dung i baru ma anso hupalua.”

LUKAS 23:41

Anggo hita uhuman na patut do antong, hombar tu pangalahonta. Tapi anggo Bayo on saotik pe inda adong salaNia!”

LUKAS 23:47

Dung diida komandan ni tentara i na masa i, gabe dipuji ia ma Debata. Ning ia ma, “Tutu do! Halak na tigor do Bayo on!”

JOHANNES 19:7

Dialusi halak Jahudi i ma, “Mangihutkon tona na adong di hami simatehononkon do i, angke dioku Ia diriNia Anak Ni Debata.”

BAENON NI ANGKA RASUL 13:28

Haru pe so adong dapot halahi sanga aha na patut mambaen hona bunu Ia, hape laing digogohon halahi do tu si Latus anso laing dibunu Ia.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

1 SAMUEL 15:30

Dialusi si Saul ma, “Ma mardosa au tutu. Tapi pinomat ma tarpatuduhon ho amang tu au sangap sian ho di jolo ni angka pamimpin ni bangsongku dohot di sude Israel. Rap dohot au ma ho mulak anso laing tarbaen au maribadat tu Tuhan Debatami.”

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”