MATEUS 27:38 - BIBEL JAMITA NA DENGGAN

³⁸ Laing di hatiha i muse, adong dope dua halak nari panyamun diparsilangkon halahi rap dohot Jesus. Sada di siamun, sada nari di siambirangNia.

MATEUS 27:38 ပူးပေါင်းရင်းမြစ်များ

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

MATEUS 27:37

Dilohotkon halahi ma di ginjang uluNia surat paboahon hasalaanNia. Songon on ma hatana, “Indon ma Jesus Raja ni halak Jahudi”.

MATEUS 27:39

Mopeng-openg ma ulu ni halak na mamolus disi mangincahi Jesus.

MATEUS 27:44

Angka panyamun na diparsilangkon rap dohot Ia, mangincahi ma songon i tuSia.

MARKUS 15:27

Diparsilangkon halahi muse do rap dohot Jesus dua halak panyamun. Sada di siamunNia, na sada nari di siambirangNia. [

LUKAS 22:37

Angke Au mandok di hamu! Angkon tulus muse dope tu Au hata na tarsurat di Buku Na Badia na mandok, ‘Etongon ma Ia songon sada halak parjahat.’ Angke sanga aha na tarsurat di Buku Na Badia i taringot tu Au, saonnari ma tarjadi.”

JOHANNES 19:18

Dipakuhon ma Ia disi tu hayu parsilang i. Diparsilangkon muse do dua halak nari na asing rap dohot Ia, sahalak di siambirang, sahalak nari di siamunNia, di tonga-tonga ma Jesus.