MATEUS 27:30 - BIBEL JAMITA NA DENGGAN

³⁰ Dung i ditijuri halahi ma Ia, dibuat ma tungkot i sian tanganNia dilipatkon halahi ma tu uluNia.

MATEUS 27:30 ပူးပေါင်းရင်းမြစ်များ

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

JESAYA 52:14

Tarsonggot ma jolma na bahat marnidasa, jatjat rupana, songon na so Anak Ni Jolma do ia ligion.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

MATEUS 26:67

Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

MARKUS 14:65

Jadi adong ma deba na mamungka manijuri Jesus. Adong muse ma na manutup mataNia, dung i dibalbali ma Ia. Didok ma tuSia, “Cubo ma jolo paboa sanga ise na mamukul Ho?” Angka pangawal i pe dohot do mambalbali Jesus.

MARKUS 15:19

Dilibaskon halahi ma bulu tu ulu ni Jesus, ditijuri halahi ma Ia. Dung i marsomba ma halahi di joloNia.