MATEUS 27:29 - BIBEL JAMITA NA DENGGAN

²⁹ Didandan halahi ma duri-duri gabe tuku, dipamasuk halahi ma i tu ulu ni Jesus. Dilehen halahi ma sada tungkot tu tanganNia. Marsomba ma halahi di joloNia palayas-layaskon. “Santabi ma di Ho ale Raja ni halak Jahudi!”

MATEUS 27:29 ပူးပေါင်းရင်းမြစ်များ

MASMUR 69:7

Angke hara ni Ho do umbaen na ni palayas au, hara ni Ho do hona incak au.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

JEREMIA 20:7

O Tuhan, Ho do mangelek au jana madung hona elekMu au. Gumogo do Ho sian au jana madung dipatunduk Ho au. Dipacia-cia sude halak au, dipalayas sian manyogot lalu tu potang ari.

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

MATEUS 26:49

Disi lalu tu inganan i, manigor didapotkon si Judas ma Jesus. Ning ia ma, “Horas ma di Guru i!” Diumma ia muse ma Jesus.

MATEUS 27:37

Dilohotkon halahi ma di ginjang uluNia surat paboahon hasalaanNia. Songon on ma hatana, “Indon ma Jesus Raja ni halak Jahudi”.

MARKUS 15:17

Dipamasuk halahi ma baju juba na ungu tu Jesus. Dibaen halahi muse ma tuku sian ranting-ranting na marduri, dipamasuk halahi ma i tu ulu ni Jesus.

MARKUS 15:18

Dung i ditabi halahi ma Ia, “Daulat i, Raja ni halak Jahudi!” ninna halahi.