MATEUS 27:25 - BIBEL JAMITA NA DENGGAN

²⁵ Dialusi halak na bahat i ma sude, “Padiar ma manginona tu hami dohot tu pomparannami mudarna i!”

MATEUS 27:25 ပူးပေါင်းရင်းမြစ်များ

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

1 RAJA-RAJA 2:32

Tuhan i do na manguhum ia hara ni pamunuon na nibaennia so sian pamotoan ni damang. Si Abner kapala ni tentara ni Israel dohot si Amasa kapala ni tentara ni Juda, nada marsala na dua i. Dumenggan dope halahi ulang si Joab, hape dibunu ia halahi.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

BILANGAN 35:33

Muda dibaen hamu songon i, hamu do mangaramuni tano na niingananmunu i. Pamunuon mangaramuni luat, jadi nada adong pangalaho na asing laho paias luat i lobi sian na mambuat hosa ni sipamunu i.

MATEUS 21:44

Sanga ise na madabu tu batu i, angkon gabe masarsar. Jana sanga ise na didondoni batu i, angkon magopu gabe abu.]”

BAENON NI ANGKA RASUL 18:6

Tapi hara ni na sai torus dialo angka jolma i boti sai mangincahi halahi, gabe dipaspaskon si Paulus ma abuan na di pakeannia i adop halahi, gabe songon tanda laho paingotkon hasalaan ni halahi sandiri. Didok ia ma, “Muda gabe mago hamu, salamunu sandiri noma i! Nada ahana be i di au! Olat ni on, tu bangso na so Jahudi noma au kehe.”

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

PANGARATAION 19:10

Patulus hamu ma on anso ulang mardosa hamu hara ni na mandabu uhum hamatean tu halak na so marsala di tano na giot silehenon ni Tuhan tu hamu.

PANGARATAION 19:13

Ulang dibaen ibo ni roha tusia. Palua hamu ma Israel sian sibunu jolma i, anso sonang hamu.”

JOSUA 2:19

Muda adong sada halahi na haruar sian bagas on lalu mate, salana sandiri do hamateanna i, nada tanggung jawabnami be i. Tapi muda adong halak na di bagasan bagas on na mabugang, hami do na martanggung jawab disi.