MATEUS 27:24 - BIBEL JAMITA NA DENGGAN

²⁴ Diida si Latus ma na so marguna be hatania i sude. Aropku mur mambaen gaor ma halahi laho mangalo, ning rohania. Ujungna dibuat ia ma aek. Dibasu ia ma tangannia di jolo ni halak na bahat i. Didok ia ma hatania, “Inda ahana di au muda mate halak na tigor on! Sahat di hamu ma i!”

MATEUS 27:24 ပူးပေါင်းရင်းမြစ်များ

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

MATEUS 26:5

“Tapi, ulang ma hatiha pesta i dibaen, harana gabe masa annon hagaoron di tonga-tonga ni rayat i.”

MATEUS 27:19

Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

MATEUS 27:23

“Aha ma hajahatanNia?” ning si Latus. Tapi mur gogo ma halahi marsurak, “Parsilangkon i!”

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

MATEUS 27:9

Jadi hara ni i, tulus ma na nidok ni Panurirang Jeremia. Songon on pandoknia, “Dijagit halahi ma hepeng na tolu pulu perak i. I ma bilangan ni hepeng na niolohon ni halak Israel gabe panggararna.

JOHANNES 13:9

Dialusi si Simon Petrus ma, “Anggo songon i do Tuhan, ulang ma hum patKu sajo dibasu, tapi dohot ma tanganKu dohot ulungKu!”

JOHANNES 19:4

Dung i haruar ma si Latus sanoli nari, didok ia ma tu halak na bahat i, “Ligi hamu ma! Madung huoban Ia saonnari tu ruar anso diboto hamu na so adong dapot au hasalaanNia bagi aha pe.”

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.