MATEUS 27:23 - BIBEL JAMITA NA DENGGAN

²³ “Aha ma hajahatanNia?” ning si Latus. Tapi mur gogo ma halahi marsurak, “Parsilangkon i!”

MATEUS 27:23 ပူးပေါင်းရင်းမြစ်များ

PODA 16:30

Jamot ma ho maradopkon halak na mikim tu ho dohot na main mata, na mambaen sangkap jahat do i di bagasan rohana.

MATEUS 27:22

“Antong, aha ma baenonku tu Jesus na margoar Kristus i?” ninna si Latus manyapai halahi. “Parsilangkon ma i!” ninna halahi mangalusi.

MATEUS 27:24

Diida si Latus ma na so marguna be hatania i sude. Aropku mur mambaen gaor ma halahi laho mangalo, ning rohania. Ujungna dibuat ia ma aek. Dibasu ia ma tangannia di jolo ni halak na bahat i. Didok ia ma hatania, “Inda ahana di au muda mate halak na tigor on! Sahat di hamu ma i!”

LUKAS 23:4

Dung i didok si Latus ma tu angka sintua ni malim i dohot tu halak na bahat, “Nada adong dapot au sanga aha pe hasalaanNia.”

BAENON NI ANGKA RASUL 13:28

Haru pe so adong dapot halahi sanga aha na patut mambaen hona bunu Ia, hape laing digogohon halahi do tu si Latus anso laing dibunu Ia.

BAENON NI ANGKA RASUL 23:10

Songon i ma jebuna na martongkari i, jabat mabiar komandan i betak sai diparsuakkon halahi lalu si Paulus. Jadi disuru ia ma pasukannia i mambuat si Paulus sian tonga-tonga ni halahi, dioban ma ia tu markas.

BAENON NI ANGKA RASUL 7:57

Disumpol angka halak na marrapot i ma pinggolna be, marsurahi ma halahi jana tompu ma halahi rap mangarongomi si Stefanus.