MATEUS 27:19 - BIBEL JAMITA NA DENGGAN

¹⁹ Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

MATEUS 27:19 ပူးပေါင်းရင်းမြစ်များ

PAMUNGKAAN 31:11

Jana mangkobari do Debata songon rupa ni surusuruan tu au di bagasan nipi i didok, ‘Jakob!’ ninna. Gabe hualusi ma, ‘Olo da’.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

MATEUS 2:19

Dung mate si Herodes, diida si Josep ma mangulahi sahalak surusuruan di bagasan nipinia.

MATEUS 2:22

Tapi tarbege muse ma di si Josep, si Arkhelaus anak ni si Herodes i do hape manggonti amangnia gabe raja di Luat Judea, gabe mabiar ma ia kehe tusi. Tapi hara ni na dung dapotan sipaingot ia sian Tuhan di nipinia, gabe tu Luat Galilea ma ia kehe.

MATEUS 27:18

Didok gubernur i pe songon i hara ni na dung diboto ia do, na late do roha ni halahi umbaen na dipasahat halahi Jesus tusia.

MATEUS 27:24

Diida si Latus ma na so marguna be hatania i sude. Aropku mur mambaen gaor ma halahi laho mangalo, ning rohania. Ujungna dibuat ia ma aek. Dibasu ia ma tangannia di jolo ni halak na bahat i. Didok ia ma hatania, “Inda ahana di au muda mate halak na tigor on! Sahat di hamu ma i!”

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

LUKAS 23:41

Anggo hita uhuman na patut do antong, hombar tu pangalahonta. Tapi anggo Bayo on saotik pe inda adong salaNia!”

LUKAS 23:47

Dung diida komandan ni tentara i na masa i, gabe dipuji ia ma Debata. Ning ia ma, “Tutu do! Halak na tigor do Bayo on!”

JOHANNES 19:13

Disi dibege si Latus angka pandohan i, dioban ia ma Jesus tu ruar jana juguk ma ia di juguhan paruhuman di inganan na margoar Litostrotos (astuanna: pantar batu; di hata Ibrani digoari do i Gabbata).

BAENON NI ANGKA RASUL 12:21

Di sada ari na dung ditontuhon, dipake Raja Herodes ma pakean hasangapannia, juguk ma ia di habangsa ni harajaannia i marpidato di jolo ni rayatnia.

BAENON NI ANGKA RASUL 18:12

Dung si Galio gabe gubernur di Akaya, satahi ma halak Jahudi mangalo si Paulus jana dioban halahi ma ia tu pangadilan.

BAENON NI ANGKA RASUL 18:16

Dung i manigor dipakehe si Galio ma halahi sian inganan i.

BAENON NI ANGKA RASUL 18:17

Dung i gabe ditangkup halahi ma si Sostenes, kapala ni bagas paribadatan i, dibalbal halahi ma ia laing di jolo ni paruhuman i. Tapi nada pola diantoi si Galio taringot tusi.

BAENON NI ANGKA RASUL 25:10

Tapi didok si Paulus ma, “Di jolo ni pangadilan ni Kesar Rom do au na jongjong on; jana angkon disi do niadilan au. Tangkas do diboto tuan i na so marsala au tu halak Jahudi.

BAENON NI ANGKA RASUL 25:17

Jadi dung lalu halahi tuson, nada hupalolot-lolot be. Ancogotna i manigor hubuka ma sidang pangadilan jana huparentahon ma anso dioban bayo i mangadop.

BAENON NI ANGKA RASUL 25:6

Dung adong hira-hira salapan tu sampulu ari si Pestus di Jerusalem, mulak ma ia mangulahi tu Kaisarea. Ancogotna i dibuka ia ma sidang pangadilan jana diparentahon ia ma anso dioban si Paulus mangadop tu jolonia.

1 PETRUS 2:22

Nada jungada Ia mambaen dosa jana sahalak pe nada adong jungada umbege Ia margabus.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.