MATEUS 27:17 - BIBEL JAMITA NA DENGGAN

¹⁷ Jadi hatiha marlagut sude halak na bahat i, disapai si Latus ma halahi, “Ise do dipangido rohamunu paluaonku di hamu? Si Barabbas do sanga Jesus na nigoaran Kristus?”

MATEUS 27:17 ပူးပေါင်းရင်းမြစ်များ

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

MATEUS 1:16

si Josep halaklahi ni si Maria, na manubuhon Jesus, na nigoaran muse Kristus.

MATEUS 27:16

Jadi adong ma hatiha i sahalak di hurungan, na tarbarita jahatna, si Barabbas goarna.

MATEUS 27:18

Didok gubernur i pe songon i hara ni na dung diboto ia do, na late do roha ni halahi umbaen na dipasahat halahi Jesus tusia.

JOHANNES 19:15

Marsurak-surak ma halahi, ninna halahi, “Bunu ma i! Bunu ma! Parsilangkon i!” Dung i ninna si Latus ma mandok tu halahi, “Parsilangkononku ma he Rajamunu?” Dialusi angka kapala ni malim i ma, “Hum sasada Kesar i do rajanami!”

JOHANNES 4:25

Didok anak boru i ma tu Jesus, “Huboto do na giot ro humani Mesias i (i ma na margoar Kristus). Jadi muda ro Ia, paboaonNia ma sasudena tu hita.”

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”