MATEUS 27:16 - BIBEL JAMITA NA DENGGAN

¹⁶ Jadi adong ma hatiha i sahalak di hurungan, na tarbarita jahatna, si Barabbas goarna.

MATEUS 27:16 ပူးပေါင်းရင်းမြစ်များ

MATEUS 27:15

Ganop Pesta Paskah dipasomal gubernur i do paluahon sahalak na hona uhum sanga ise na nipangido ni roha ni halak na bahat.

MATEUS 27:17

Jadi hatiha marlagut sude halak na bahat i, disapai si Latus ma halahi, “Ise do dipangido rohamunu paluaonku di hamu? Si Barabbas do sanga Jesus na nigoaran Kristus?”

MARKUS 15:7

Adong do sada bayo di hurungan, na tarhurung rap dohot angka donganna pamberontak, i ma na mamunu jolma laho mambaen gaor, na margoar si Barabbas.

LUKAS 23:25

Jana dipalua si Latus ma bayo na nipangido ni halahi i, i ma bayo na tarhurung hara ni na mambaen gaor dohot hara ni na mamunu. Dung i dipasahat si Latus ma Jesus tu halahi anso dibaen halahi roha-rohana tuSia.

JOHANNES 18:40

Dialusi halahi ma marsurak-surak, “Nada! Indangkon sai palua i! Si Barabbas ma palua!” Panyamun do si Barabbas on.

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 16:7

Laing pasahat hamu ma tabengku tu si Andronikus dohot tu si Junias. Dongan samargangku do halahi na dua jana unjung do halahi rap tarhurung dohot au. Dompak so porsaya dope au tu Kristus, madung parjolo halahi porsaya. Tarbonggal do halahi di tonga-tonga ni angka rasul.