MATEUS 27:12 - BIBEL JAMITA NA DENGGAN

¹² Tapi anggo di na pajojor pangaduan i angka Sintua Ni Malim dohot angka hatobangon ni halak Jahudi i taringot tu Jesus, sangkababa hata pe nada adong dialusi Jesus.

MATEUS 27:12 ပူးပေါင်းရင်းမြစ်များ

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 27:13

Gabe ninna si Latus ma tuSia, “Na so dibege Ho dehe sude pangaduan ni halahi i tu Ho?”

MATEUS 27:14

Saotik pe nada dialusi Jesus. Gabe homang ma roha ni gubernur i mida Ia.

LUKAS 23:9

Jadi gabe bahat do sapa-sapania tu Jesus, hape umpe ra Jesus mangalusi ia.

BAENON NI ANGKA RASUL 8:32

On ma ayat na nisisenia i, “Songon biri-biri na niiring tu panyambolan do Ia, songon anak ni biri-biri na hohom di na nigusting imbuluna, songon i ma Ia umpe sangkababa hata didok Ia.

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.