MATEUS 26:75 - BIBEL JAMITA NA DENGGAN

⁷⁵ Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

MATEUS 26:75 ပူးပေါင်းရင်းမြစ်များ

MATEUS 10:33

Tapi sanga ise na mamorso Au di jolo ni halak, i ma na so paboahon na mangihutkon Au do ia, Au pe porsoonKu ma ia di jolo ni Damang na di banua ginjang i.”

MATEUS 26:34

Dung i ninna Jesus ma tusia, “Tangihon jolo: Borngin on taran so martahuak manuk dope, ma tolu noli dokkononmu na so ditanda ho Au.”

MATEUS 26:74

Gabe marsumpa-sumpa ma si Petrus, “Sai mate au muda tutu hutanda bayo i!” ning ia. Manigor martahuak ma manuk.

JOHANNES 13:38

Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.