MATEUS 26:74 - BIBEL JAMITA NA DENGGAN

⁷⁴ Gabe marsumpa-sumpa ma si Petrus, “Sai mate au muda tutu hutanda bayo i!” ning ia. Manigor martahuak ma manuk.

MATEUS 26:74 ပူးပေါင်းရင်းမြစ်များ

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 26:34

Dung i ninna Jesus ma tusia, “Tangihon jolo: Borngin on taran so martahuak manuk dope, ma tolu noli dokkononmu na so ditanda ho Au.”

MATEUS 26:73

Inda sadia honok, ro ma angka halak na marjongjongan disi mandok tu si Petrus, “Tutu do, ho ma sahalak sian halahi. Tanda do sian pangkulingmu.”

MATEUS 26:75

Jana taringot ma tu roha ni si Petrus hata ni Jesus tusia, “Dompak so martahuak manuk, madung diporso ho Au tolu noli.” Kehe ma si Petrus tu balian tangis panguncombopon.

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

MARKUS 14:30

“Tutu do na Hudok on, laing di borngin on painte so tahuak manuk padua nolihon, ma tolu noli diporso ho na so nitandamu Au,” ninna Jesus.

MARKUS 14:68

Tapi diporso si Petrus do. “Nada huboto jana nada mangarti au na nidokmi.” Dung i jongjong ma si Petrus tu horbangan ni bagas ni Malim Godang i. Jadi martahuak ma manuk disi.

LUKAS 22:60

Tapi dialusi si Petrus ma, “Nada huastui sanga aha na nidokmi!” Laing di hatiha i, di na mandok hata i dope si Petrus martahuak ma manuk.

JOHANNES 18:27

Dung i didok si Petrus ma mangulahi, “Nada,” – jana manigor martahuak ma manuk disi.

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

HAKIM-HAKIM 17:2

Sanoli didok ia ma tu inangnia, “Inang! Dompak na magoan inang saribu saratus hepeng perak, hubege diburai inang do na manangko i. Di au do hepeng i, au do na mambuatsa.” Dialusi inangnia i ma, “Sai dipasupasu Tuhan ma da ho, anakku!”

HAKIM-HAKIM 21:18

Tapi bia dope baenon; nada tarbaen hita be mangisinkon angka borunta marbagas dohot halahi, harana madung tasumpahon do ganop be sian tonga-tonganta na so tola mangisinkon boruna marbagas dohot halak Benyamin!”