MATEUS 26:65 - BIBEL JAMITA NA DENGGAN

⁶⁵ Dung i disibakkon Malim Godang i ma pakeanNia. Didok Ia ma, “Mangalayasi do on! Inda porlu be saksi. Ma dibege hamu sudena hataNia na mangalayasi i.

MATEUS 26:65 ပူးပေါင်းရင်းမြစ်များ

2 RAJA-RAJA 18:37

Jadi disibakkon si Elyakim, si Sebna dohot si Joah ma pakean ni halahi hara ni marsakna. Jadi kehe ma halahi paboahonna tu raja i sanga aha na nidok ni parpangkat ni Asur i.

JEREMIA 36:24

Haru pe gomos dipangido si Elnatan, si Delaya dohot si Gemarya anso ulang ditutung raja i surat balunan i, tapi nada ra ia manangihon halahi. Nada gabe mabiar sanga manyosal idaon raja i dohot angka parpangkat i umbege isi ni surat i.

HAMALIMON 21:20

Nada tola halak na bungkuk sanga na pengpeng, nada tola halak na mahancit mata sanga mahancit kulitna, sanga nada tola halak na dung dipaias.

BILANGAN 14:6

Dung i si Josua anak ni si Nun dohot si Kaleb anak ni si Jefunne, dua halak sian angka mata-mata i, manyuakkon pakean ni halahi hara ni marsakna.

MATEUS 9:3

Jadi i ma dihata-hatai deba Siboto Surat na adong disi. Angka ninna halahi ma di bagasan rohana, “Na mangalayasi Debata do Bayo on!”

LUKAS 5:21

Mamungka ma mangkatai na sada tu na asing angka Siboto Surat dohot angka Parise i, ninna ma, “Ise dehe na mangincahi Debata on? Ise ma he lakna na tarbaen manyesa dosa ia so hum Debata?”

JOHANNES 10:33

Dialusi angka parkuaso i ma, “Umbaen na giot danggurannami Ho, nada hara ni angka karejoMu na denggan i, tapi hara ni na nipabileMu do Debata! Jolma humani do Ho antong hape dioku Ho diriMu songon Debata!”

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

BAENON NI ANGKA RASUL 14:14

Dung dibege si Barnabas dohot si Paulus na giot baenon ni halahi i, diparsibakkon halahi ma pakean ni halahi marlojongi tu tonga-tonga ni halak na bahat i, marsurak ma halahi,