Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATEUS 26:61 - BIBEL JAMITA NA DENGGAN

61 Didok halahi ma, “Didok bayo on do, ‘Tarumpakkon Au do Bagas Ni Debata, tapi di bagasan tolu ari tar pajongjong Au mangulahi.’ ”

အခန်းကိုကြည့်ပါ။ ကော်ပီ




MATEUS 26:61
22 ပူးပေါင်းရင်းမြစ်များ  

Tapi didok halak Sodom i ma tu si Lot, “Morot ho, halak na ro do da ho! Ise ma he ho lakna umbaen na pabotohononmu tu hami sanga aha na giot baenonnami? Kehe ma ho morot! Anggo inda, anso hami balbali ho humancit sian tu sidua halak i.” Jadi dionjar halahi ma si Lot tu pinggir jana diroro halahi ma laho manombom pintu i.


“Suru anso dikurungkon halahi ia di hurungan, jana dilehen ia mangan dohot minum saotik sajo lopus mulak au horas torkis.”


Didapotkon si Jehu ma mangulahi angka dongannia i; disapai halahi ma tusia, “Aha do barita? Na giot mahua do na rintik i ro tu ho?” “Diboto hamu do sanga aha giotnia,” ning si Jehu mangalusi.


Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.


Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.


Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”


Dung i jongjong ma Malim Godang i mandok hata tu Jesus, “Na so ra do Ho mangalusi sude na ni tuhaskon i tu Ho?”


lalu kehe ia tu horbangan ni alaman i. Jadi ro muse ma sada nari naposo dadaboru, diida ia ma si Petrus, gabe didok ia ma tu angka halak na disi i, “Dohot do bayo indon dongan ni Jesus na sian Nasaret i.”


Ninna halahi ma, “Heh! Ho ma na giot mangarumpakkon Bagas Ni Debata, giot pajongjongonMu ma i di bagasan tolu ari! Muda na tutu ma Ho Anak Ni Debata, antong palua ma diriMu sandiri! Mijur ma Ho sian silang i!”


Gabe disampakkon ia ma hepeng perak i tu Bagas Ni Debata, dung i kehe ma ia manyingkot.


Didok halahi, “Hami bege do didok bayo on, ‘Hurumpakkon ma Bagas Ni Debata na nibaen ni jolma on, dung tolu ari Hupajongjong ma mangulahi Bagas Ni Debata na so nibaen ni jolma.’ ”


Sude halak na mamolus sian i, marsiincahi ma tu Jesus, mangalayasi. Mopeng-openg be ma ulu ni halahi mandok, “O, ale Ho na giot mangarumpakkon Bagas Ni Debata jana na giot pajongjongkonna di bagasan tolu ari,


Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”


Anggo taringot tu si Musa tangkas do hami boto na dung mangkatai Debata tusia. Tapi taringot tu Bayo i nada hami boto sanga sian dia asal ni i.”


Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.


Dipajojor halahi ma pangaduan ni halahi songon on, “Dijajang-jajang bayo on do halak na bahat anso marsomba tu Debata sian dalan na maralo tu angka parenta ni Debata na nilehen ni si Musa di hami!”


Laing dipatangi-tangi halak na bahat i dope si Paulus na mandok hata i, tapi di ujung ni pandohannia i, marsurak ma halahi sagogo-gogona, “Gumonan ma nimatehon anggo halak sisongon i. Nada tama be mangolu i!” ninna halahi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ