MATEUS 26:54 - BIBEL JAMITA NA DENGGAN

⁵⁴ Tapi muda songon i, dia ma tulus tarjadi na nipaboa ni Buku Na Badia i hian, na angkon tarjadi songon na masa sadari on?”

MATEUS 26:54 ပူးပေါင်းရင်းမြစ်များ

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

JOHANNES 10:35

Jana sude hita rap taoku do anggo na tarsurat di Buku Na Badia i, nada tarbaen sundat i. Antong anggo songon i, muda tu angka na manjagit hata ni Debata i, digoari Debata sandiri halahi angka debata,

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.