MATEUS 26:53 - BIBEL JAMITA NA DENGGAN

⁵³ Ninna rohamu lakna na so tarpangido Au partolongan tu Damang, jana tarsuru Damang do manigor lobi sian dua bolas legion surusuruan?

MATEUS 26:53 ပူးပေါင်းရင်းမြစ်များ

2 RAJA-RAJA 6:17

Dung i martangiang ma si Elisa, “Tuhan sai ungkap ma jolo mata ni pangurupingku anso diida ia!” Dioloi Tuhan ma tangiang ni si Elisa i, jadi taran manaili pangurupinia i, diida ia ma sude dolok i gok dohot kudo dohot kareta na marapi humaliang si Elisa.

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 4:11

Ujungna, ditinggalkon Sibolis i ma Jesus, marroan muse ma manigor angka surusuruan laho mangoloi Ia.

MARKUS 5:15

Didapotkon halahi ma Jesus, diida halahi ma dohot bayo nangkin na nisonggopan ni setan i juguk disi. Ma marpakean ia, pikirannia pe ma denggan. Gabe mabiar ma halahi sude.

MARKUS 5:9

Dung i disapai Jesus ma tusia, “Ise dehe goarmu?” Dialusi bayo i, “ ‘Legiun’ do goarku, harana na bahatan do hami on!”

LUKAS 8:30

Disapai Jesus ma tu bayo i, “Ise goarmu?” “ ‘Legion’ do goarku,” ning bayo i – angke bahat do tondi na jahat na masuk tusia.

JOHANNES 10:18

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

JOHANNES 18:36

Ninna Jesus ma mangalusi, “Anggo HarajaanKu nada harajaan portibi on. Sugari na sian portibi on HarajaanKi, aloon ni angka halakKu ma anso ulang jabat nipasahat Au tu halak Jahudi. Tapi nada sian portibi on anggo HarajaanKu!”

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu