MATEUS 26:46 - BIBEL JAMITA NA DENGGAN

⁴⁶ Ngot ma hamu anso kehe hita. Ligi ma! Ma indi halak na manghianat i tu Au!”

MATEUS 26:46 ပူးပေါင်းရင်းမြစ်များ

MATEUS 26:45

Dung i didapotkon Ia ma mangulahi angka anak siseanNia i didok Ia ma tu halahi, “Modom ma hamu huhut maradian. Ligi hamu ma, ma dapot hatihana laho pasahatkon Anak Ni Jolma i tu angka halak pardosa.

MATEUS 26:47

Mangkatai dope Jesus, ro ma si Judas, i ma sahalak sian anak siseanNia na dua bolas i. Ro muse ma rap dohot ia bahat halak maroban podang dohot potuk-potuk. I ma angka na nisuru ni angka kapala ni malim dohot angka hatobangon ni halak Jahudi.

MARKUS 14:42

Ngot ma hamu anso kehe hita. Ligi ma madung ro indi na manghianat i tu Au!”

LUKAS 12:50

Laing adong dope pandidion na angkon sidalananKu. Jana susa sajo dope rohangKu salolot so tulus dope i.

LUKAS 22:15

Dung i didok Ia ma tu halahi, “Lungun sajo do rohangKu mangankon sipanganon Paskah on rap dohot hamu taran so manaon parkancitan Au!

LUKAS 22:21

“Tapi ligi hamu ma! Anggo halak na manghianat tu Au, dison do ia rap dohot Au di meja on!

LUKAS 9:51

Dung donok hatihana giot manaek Jesus tu banua ginjang, diadopkon Ia ma bohiNia tu Jerusalem laho kehe tusi.

JOHANNES 14:31

Tapi anso diboto portibi on na holong do rohangKu mida Ama i, i do umbaen na Hukarejohon sandok na nisuruhon ni Ama i karejohononKu. I pe, beta ma hita kehe sian on.”

JOHANNES 21:20

Di na manaili si Petrus, diida ia ma sisean haholongan ni Jesus i di pudinia. (I ma na juguk di lambung ni Jesus hatiha na mangan borngin-borngin i, na manyapai tu Jesus, “O Tuhan, ise dehe na giot manghianat i tu Ho?”)

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

1 SAMUEL 17:48

Dipungka si Goliat ma mardalan mangulahi mandonohi si Daud, dung i diompoti si Daud ma marlojong mandapotkon barisan ni halak Pilistin i laho mangalosa.