MATEUS 26:45 - BIBEL JAMITA NA DENGGAN

⁴⁵ Dung i didapotkon Ia ma mangulahi angka anak siseanNia i didok Ia ma tu halahi, “Modom ma hamu huhut maradian. Ligi hamu ma, ma dapot hatihana laho pasahatkon Anak Ni Jolma i tu angka halak pardosa.

MATEUS 26:45 ပူးပေါင်းရင်းမြစ်များ

1 RAJA-RAJA 18:27

Dung potang ari, mamungka ma si Elia mangalayas-layasi halahi. “Pagogo hamu ma sora ni tangiangmunu i! Inda he debata do ia? Aropku na topet kehe do ia mardalanan! Sanga betak na hatiha modom dope ia, jadi angkon sunggulanmunu do ia!”

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

MATEUS 26:18

Dialusi Jesus ma, “Kehe ma hamu tu kota manopot sada halak disi. Dokkon hamu ma tusia, ‘Ninna Guru i, ma dapot hatihana di Au. Giot di bagasmon do Au marpaskah rap dohot angka anak siseanKu.’ ”

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MATEUS 26:44

Jadi ditadingkon Jesus ma halahi sanoli nari. Kehe ma Ia martangiang patolu-nolihon. Sarupa do tangiangNia i dohot sinangkinan i.

MATEUS 26:46

Ngot ma hamu anso kehe hita. Ligi ma! Ma indi halak na manghianat i tu Au!”

MARKUS 14:35

Dipadao Jesus ma kehe saotik, manungkap ma Ia tu tano laho martangiang. Dipangido Ia di bagasan tangiang sugari tarbaen indangkon sai ditaon Ia parkancitan i.

LUKAS 22:53

Ganop ari do Au rap dohot hamu di Bagas Ni Debata, hape so ditangkup hamu Au. Tapi on ma lakna hatihana di hamu mambaen sibaenonmunu, jana hatihana ma kuaso hagolapan i mambaen hatontuan.”

JOHANNES 12:23

Dung i didok Jesus ma tu halahi, “Madung dapot hatihana pasangapon Anak Ni Jolma i.

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.