MATEUS 26:43 - BIBEL JAMITA NA DENGGAN

⁴³ Dung i mangulahi ma Jesus ro. Didapot Ia, ma laing modom do angka anak siseanNia i. Songon na so tarbuka be mata ni halahi hara ni nonona dihilala halahi.

MATEUS 26:43 ပူးပေါင်းရင်းမြစ်များ

PODA 23:34

Songon na di ujung ni tiang ni kapal na di tonga laut ma pangkilalaanmu; hancit ma ulumu jana lenong-lenong ma ho.

JUNUS 1:6

Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MATEUS 26:44

Jadi ditadingkon Jesus ma halahi sanoli nari. Kehe ma Ia martangiang patolu-nolihon. Sarupa do tangiangNia i dohot sinangkinan i.

LUKAS 9:32

Sinok do modom anggo si Petrus dohot angka dongannia. Jadi dung tarsunggul halahi, diida halahi ma hasangapan ni Jesus dohot bayo sidua halak i na jongjong dohot Ia.

BAENON NI ANGKA RASUL 20:9

Juguk-juguk ma sahalak doli-doli di jandela i, si Eutikus goarna. Hara ni na so marnamantak si Paulus na mangkobari i lopus songon na dokdok ma mata ni bayo i mondohondok, lopus tarpodom ia di jandela i, gabe madabu ma ia tu toru sian tirket patoluhon. Dung diangkat halahi ia, hape ma mate.

SURAT NI SI PAULUS TU PARLAGUTAN ROM 13:1

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.