MATEUS 26:40 - BIBEL JAMITA NA DENGGAN

⁴⁰ Dung i mulak ma Jesus mandapotkon anak siseanNia na tolu i. Ma tarpodom halahi didapot Ia. Didok Ia ma tu si Petrus, “Na he tarbaen hamu jonggor rap dohot Au, hum sajom pe?

MATEUS 26:40 ပူးပေါင်းရင်းမြစ်များ

1 RAJA-RAJA 20:11

Dialusi Raja Ahab ma, “Dok hamu ma tu Raja Benhadad: Anggo tentara na tutu, bangga do pangkilalaanna dung sidung marporang, nada dompak so marporang.”

ENDE NA GODANG 5:2

Hupapodom, hape nada mago rohangku; huipi do manoktok di pintu haholonganku, mandok. “Na uli di au, darapatingku, masuk ma au; ma maraek ulungku hara ni ombun dohot samon.”

MATEUS 25:5

Honok ma bayo pangoli i anso ro, gabe mamungka ma mondohondok bujing-bujing i lopus tarpodom be.

MATEUS 26:35

Dialusi si Petrus ma, “Sugari pe angkon tarpaksa mate au rap dohot Ho Tuhan, nada na dohononku na so hutanda Ho Tuhan!” Songon i ma dipandok sude anak sisean na asing i.

MATEUS 26:38

Didok Ia ma tu anak siseanNia i, “Marsak sajo do Au, songon na giot mate Huhilala. Dison ma jolo hamu, anso dohot hamu marjonggor rap dohot Au.”

MATEUS 26:41

Jonggor ma hamu, martangiang bage hamu anso ulang talu hamu dibaen pandugaan i. Denggan do nian anggo roha ni jolma, tapi gale do pamatang.”

MATEUS 26:43

Dung i mangulahi ma Jesus ro. Didapot Ia, ma laing modom do angka anak siseanNia i. Songon na so tarbuka be mata ni halahi hara ni nonona dihilala halahi.

MARKUS 14:37

Dung i mulak ma Jesus, hape didapot Ia ma tarpodom anak siseanNia i. Dung i didok Ia ma tu si Petrus, “O, Simon! Na tarpodom do ho? Hum sajom sajo pe inda tarbaen ho be jonggor?”

LUKAS 22:45

Dung sidung na martangiang i, mulak ma Ia mandapotkon angka siseanNia i. Didapot Ia madung modom be halahi hara ni marsakna.

LUKAS 9:32

Sinok do modom anggo si Petrus dohot angka dongannia. Jadi dung tarsunggul halahi, diida halahi ma hasangapan ni Jesus dohot bayo sidua halak i na jongjong dohot Ia.

HAKIM-HAKIM 9:33

Ancogot manyogot muda bincar mataniari, ompot ma porangi kota i. Jana muda haruar si Gaal dohot angka halaknia i mangalo ho, i ma hatiha na denggan di ho mangaroro ia!”