MATEUS 26:39 - BIBEL JAMITA NA DENGGAN

³⁹ Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 26:39 ပူးပေါင်းရင်းမြစ်များ

PAMUNGKAAN 17:3

Gabe manungkap ma si Abram, dung i didok Debata ma,

2 SAMUEL 15:26

Tapi anggo na so lomo be antong roha ni Tuhan i tu au, marguru di hagiotNia ma di au.”

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

JEHESKIEL 1:28

jana marrupa-rupa songon halibutongan. I ma da hatiuran na marhillong na patuduhon haroro ni Tuhan.

BILANGAN 14:5

Gabe dipaunduk si Musa dohot si Harun ma di jolo ni halak na bahat i.

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

LUKAS 17:16

Dung lalu di jolo ni Jesus, marsomba ma ia mandok tarimakasi tuSia. Halak Samaria do bayo i.

JOHANNES 11:41

Dung i dipaorot halahi ma batu i. Jadi manatap ma Jesus tu langit jana didok Ia ma, “Tarimakasi ma Hudok tu Ho Amang hara ni na nitangihonMu pangidoanKu.

JOHANNES 14:31

Tapi anso diboto portibi on na holong do rohangKu mida Ama i, i do umbaen na Hukarejohon sandok na nisuruhon ni Ama i karejohononKu. I pe, beta ma hita kehe sian on.”

JOHANNES 18:11

Didok Jesus ma tu si Petrus, “Sarungkon ma podangmi, nada he angkon inumonKu do panginuman parkancitan na nilehen ni Damang i tu Au?”

JOHANNES 5:19

Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

JOHANNES 5:30

“Nada tarpatupa Au sanga aha pe anggo sian roha-rohangKu sandiri. Sanga aha na niparentahon ni Debata tu Au, hombar tusi do Au manontuhon uhuman. Hara ni i, adil do na Huputuskon i, angke nada na mambaen roha-rohangKu sandiri Au. Hagiot Ni Damang na marsuru Au, i sajo do na Huoloi.

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

BAENON NI ANGKA RASUL 10:25

Dung masuk si Petrus, dialo-alo si Kornelius ma ia jana unduk ma ia di jolo ni pat ni si Petrus.

PILIPPI 2:8

Dipatoruk Ia do diriNia jana burju do Ia mangoloi Debata lopus mate – i ma mate tarsilang.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.