MATEUS 26:37 - BIBEL JAMITA NA DENGGAN

³⁷ Dung i dipiohon Ia ma anso dohot si Petrus rap dohot anak ni si Zebedeus na dua i kehe rap dohot Ia. Mamungka ma idaon marsak Ia disi, susa sajo.

MATEUS 26:37 ပူးပေါင်းရင်းမြစ်များ

MATEUS 17:1

Dung onom ari, dioban Jesus ma si Petrus dohot si Jakobus dohot angginia si Johannes tu puncut ni sada dolok na gincat. Hum halahi sajo do disi.

MATEUS 20:20

Dung i ro ma inang ni si Zebedeus rap dohot angka dakdanaknia tu Jesus. Unduk ma ia manyomba Jesus laho mangido sanga aha.

MATEUS 4:18

Dompak mardalan Jesus di topi ni Dano Galilea, diida Ia ma dua halak parihan. Markaha-maranggi do halahi na dua. I ma si Simon (na margoar muse si Petrus) dohot angginia si Andreas. Hatiha manangkup ihan do halahi, angke marihan do karejo ni halahi.

MATEUS 4:21

Didatdati Jesus ma na mardalan i. Diida Ia ma dua halak nari na markaha-maranggi, i ma si Jakobus dohot si Johannes anak ni si Zebedeus. Na topet rap do halahi dohot amang ni halahi paturehon jala di bagasan parau i. Dipiohon Jesus muse ma halahi.

MARKUS 5:37

Ditoruskon Jesus ma mardalan. Tapi inda dipatola Ia sanga ise mangihutkon Ia asing ni si Petrus, si Jakobus dohot si Johannes anggi ni si Jakobus i.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.