MATEUS 26:28 - BIBEL JAMITA NA DENGGAN

²⁸ Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

MATEUS 26:28 ပူးပေါင်းရင်းမြစ်များ

JEREMIA 31:31

Didok Tuhan ma, “Dapot do i hatihana baenonKu parjanjian na imbaru tu halak Israel dohot Juda.

HAMALIMON 17:11

Hosa ni ganop na mangolu, di bagasan mudarna do. Hara ni i ma dibaen diparentahon Tuhan anso sude mudar diduruskon di ginjang ni langgatan anso sesa sude dosa. Sarupa dohot hosa do mudar i manyesa dosa.

ZAKARIA 9:11

Didok Tuhan ma tu bangsoNia, “Ho pe markite-hite mudar ni parjanjianKu dohot do paluaonKu angka na tarbuang sian ho, malua sian sumur na so marisi aek.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

MATEUS 26:27

Dung i, dibuat Ia ma sada panginuman ni anggur, didok Ia ma tarimakasi tu Debata. Dung i dilehen Ia ma panginuman i tu angka anak siseanNia i, didok Ia ma dohot hataNa, “Sude ma hamu minum sian on.

MATEUS 26:29

Ingot hamu ma: Nada inumonKu be parbatu ni hayu anggur lopus tu sada hatiha inumonKu ma anggur na imbaru rap dohot hamu muda dung dipajongjong Damang HarajaanNia.”

MATEUS 6:12

sesa ma angka dosanami, songon hami manyesa dosa ni angka na mardosa tu hami,

MARKUS 1:4

Songon na tarsurat i, laing songon i ma haidaan si Johannes di halongonan i. Dididihon ia do halak jana dipabolkas ia ma jamita na sian Debata. “Pauba hamu ma rohamunu sian angka dosamunu, dung i angkon nipandidihon do hamu anso diampuni Debata dosamunu,” ning si Johannes.

MARKUS 14:24

Dung i didok Jesus ma tu halahi, “On ma mudarKu, na niduruskon di halak na bahat, i ma mudar na mambaen tulus parjanjian ni Debata.

LUKAS 22:19

Dung i dibuat Jesus ma roti. Dung didokkon Ia tarimakasi tu Debata, dibola-bola Ia ma roti i, dung i diparleheni Ia ma tu halahi jana didok Ia ma, “On ma pamatangKu, [na nilehen di hamu. Baen hamu ma songon i laho marningot Au.”

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

SURAT NI SI PAULUS TU PARLAGUTAN ROM 5:15

Tapi silehen-lehen ni Debata nada sarupa dohot pangalaosion ni si Adam. Hara ni pangalaosion ni sisada halak i gabe bahat mate jolma dibaensa. Hape dao gumodang dope akibat ni asi ni roha ni Debata dohot silehen-lehenNia na dung diusehon Ia tu bahat halak hara ni Sada Halak, i ma Jesus Kristus.

SURAT NI SI PAULUS TU PARLAGUTAN ROM 5:19

Jana hara ni sada halak na so mangoloi gabe bahat halak mardosa; songon i muse ma, markite-hite pangoloion ni sada halak, bahat halak gabe tigor.

1 KORINTUS 11:25

Laing songon i ma dung abis mangan, dibuat Ia muse ma panginuman ni anggur lalu didok Ia ma, “Parjanjian Na Imbaru do anggur on, na ditontuhon ni mudarKu. Ganop diinum hamu on, baen hamu ma on marningot Au.”

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

KOLOSSE 1:14

Di bagasan Ia do adong di hita haluaan, i ma hasesaan ni dosa.

KOLOSSE 1:20

Jana markite-hite Anak i muse do dibaen Debata sasudena mardenggan mangulahi dohot Debata – sasudena na di tano on, sanga pe na adong di banua ginjang. Markite-hite hamamate ni AnakNia di hayu parsilang i do dibaen Debata sudena i.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.