MATEUS 26:10 - BIBEL JAMITA NA DENGGAN

¹⁰ Diboto Jesus do pikiran ni halahi, gabe ning Ia ma tu halahi, “Biasi pola arsahanmunu anak boru on? Na denggan do na nibaennia i tu Au.

MATEUS 26:10 ပူးပေါင်းရင်းမြစ်များ

NEHEMIA 2:18

Lalu hucaritohon ma tu halahi sanga na bia dibaen Debata mangurupi au dohot na nidok ni raja i tu au. Dialusi halahi ma, “Tole ma da tapungka mambangun!” Lalu marhobas-hobas ma halahi laho mangkarejohon.

JOB 13:7

Tola ma he mangasahon Debata, margabus iba? Bolas ma ulaning marbungkak laho tu haporluanNia?

MATEUS 26:11

Tongtong do adong na pogos rap dohot hamu, tapi anggo Au nada tongtong rap dohot hamu.

MATEUS 26:9

“Targadis do miak na huskus on arga sajo, nilehen hepengna i tu halak na pogos!”

MARKUS 14:6

Tapi didok Jesus ma, “Padiar hamu ma songon i! Biasi diarsahi hamu ia? Na denggan do na nibaennia tu Au. Sipujion do ia disi.

LUKAS 8:49

Dompak na mangkatai i dope Jesus, lalu ma suruan sian bagas ni si Jairus kapala ni bagas paribadatan i. Didok Ia ma tu si Jairus, “Indangkon be nipasusa Guru i, harana madung jumolo dakdanak ni bapa i.”

2 KORINTUS 9:8

Bisa do Debata mangalehen pasupasu mardapot-dapot tu hamu, anso laing singkop sibaenonmunu; marlobian dope tehe tarbaen hamu mangkarejohon na denggan.

GALATIA 1:7

Anggo satutuna nada adong “jamita na denggan na asing”. Umbaen na hudok pe songon i hara ni na adong do halak marroan parundut pikiranmunu jana na giot mamutar-balikkon Jamita Na Denggan taringot tu Kristus i.

GALATIA 5:12

Gumonan dope angka halak na manggaori pikiranmunu i, manigor diharuarkon.

GALATIA 6:17

Dung i muse, ulang be adong nian na mangarsahi au, angke adong do di pamatangku tihas angka tanda na paboahon siihutkon Kristus au.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

1 TIMOTEUS 3:1

Hata na tutu do on, “Sanga ise na marhagiot gabe pamimpin ni parlagutan, patuduhon por ni rohania do ia tu sada karejo sigodang arga.”

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

2 TIMOTEUS 2:21

Sanga ise halak na paias dirina sian sude na jahat, i ma na nipake songon parkokas tu pangalaho na marsangap. Gabe nampuna hapunjungan jana na hasaya ma ia di tuanna. Na diparade hian do halak na songon i sipakeon tu angka ragam ni karejo na denggan.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

TITUS 3:1

Paingot ma sudena ruasmu anso tunduk halahi tu angka pamimpin dohot na markuaso di negara, jana mangoloi dohot na patuluskon sandok na denggan.

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.