MATEUS 25:6 - BIBEL JAMITA NA DENGGAN

⁶ Dung tonga borngin, tarbege ma sora na pio-pio, ‘Ma ro bayo pangoli i! Beta ma taalo-alo!’ ninna.

MATEUS 25:6 ပူးပေါင်းရင်းမြစ်များ

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

AMOS 4:12

Hara ni i, ale halak Israel, uhumanKu ma hamu. Antong marhobas ma hamu mangadopi uhumanKu!”

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

MATEUS 25:1

“Muda ro Anak Ni Jolma i songon Tuhan, tarsongon umpama on do pangalahona: Sampulu halak bujing-bujing pandongani ni bayo pangoli na mambuat lampu laho kehe mangalo-alo bayo pangoli i.

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 25:5

Honok ma bayo pangoli i anso ro, gabe mamungka ma mondohondok bujing-bujing i lopus tarpodom be.

MATEUS 25:7

Ngot ma bujing-bujing na sampulu i marsipagara lampuna be.

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

LUKAS 12:46

Di na sadari, hatiha na so ditagam roha ni naposo i, ompot ma mulak tuannia i. Gabe sijaljalan ni tuanna noma naposo i jana sarupa do bagiannia dibaen dohot angka halak na so porsaya.

1 TESSALONIKA 4:16

Saulahon di na mijur Tuhan Jesus sandiri sian banua ginjang, pio-pio ma kapala ni surusuruan i marsora na gogo jana dipalu ma sarune ni Debata songon boa-boana. Jadi angka halak na dung porsaya tu Kristus dompak di ngoluna be, pangoluon ma halahi parjolo.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”