MATEUS 25:41 - BIBEL JAMITA NA DENGGAN

⁴¹ Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 25:41 ပူးပေါင်းရင်းမြစ်များ

MASMUR 119:115

O hamu parjahat! Morot ma ho sian au! Sai giot momosanku do parenta ni Debatangku.

MASMUR 119:21

Digorahon Ho do halak siginjang roha, diburai Ho do halak na manyimbil sian parentaMu.

MASMUR 139:19

Sugari dipusa Ho ma nian halak parjahat, ale Debata, jana padao ma sian au angka siduruskon mudar!

MASMUR 6:8

O, angka na jahat, morot ma hamu madung ditangihon Tuhan tangisku.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

MATEUS 13:40

Songon simareme-eme na nipalagut i na nitutung di bagasan api, laing songon i muse ma di ari na parpudi.

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 18:8

Muda hara ni tanganmu sanga hara ni patmu mardosa ho, ponggolkon ma i, ambungkon ma tanganmi sanga patmi. Gumonan ma ho mangolu rap dohot tangan sabariba sanga pat sabariba, ulang pado martangan ho dua-dua sanga laing marpat ho dua-dua, hape ho sandiri niambungkon tu api na so ra mintop.

MATEUS 25:42

Angke di hatiha male Au nada dilehen hamu Au mangan. Hatiha manguas Au nada dilehen hamu Au minum.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

LUKAS 13:27

Tapi ulahan ni Tuan i ma mandok, ‘Nada Huboto sanga na sian dia hamu. Kehe ma hamu sian on, sude hamu na mambaen hajahatan!’

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.