Dijalahi halahi do Au ganop ari, jana marpor ni roha giot mananda nasa dalanKu. Songon bangso na mangkarejohon na tutu dohot na so maninggalkon aturan ni Debatana disapai halahi do Au taringot tu aturan na tigor, jop do roha ni halahi mangadop tu Debata.
“Muda ro Anak Ni Jolma i songon Tuhan, tarsongon umpama on do pangalahona: Sampulu halak bujing-bujing pandongani ni bayo pangoli na mambuat lampu laho kehe mangalo-alo bayo pangoli i.
Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.
Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.
“Tu surusuruan ni parlagutan na di Sardis, songon on suratkon: On ma barita sian na martondi na pitu na sian Debata dohot nampuna bintang na pitu i. Huboto do sanga aha na dung dikarejohon hamu. Nidok hamu na mangolu, hape na mate do!