MATEUS 24:6 - BIBEL JAMITA NA DENGGAN

⁶ Begeonmunu ma angka sora ni porang dohot barita ni angka porang. Tapi ulang gabe mabiar hamu. Harana angkon tarjadi do songon i. Tapi nada podo hatihana ro ari na parpudi.

MATEUS 24:6 ပူးပေါင်းရင်းမြစ်များ

MASMUR 112:7

Nada mabiar ia manjagit barita na jat, porsaya do ia tu Tuhan jana togu rohana.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 7:4

Dokkon ma tusia: Patogu ma rohamu jana pasonang, ulang ma mabiar sanga puntol rohamu, hara ni surpu ni api na dua i, i ma hamumuruk ni si Resin dohot Aram dohot anak ni si Remalya.

JEREMIA 47:6

Marsurak hamu, ‘Sadia honok nari ho ale podang ni Tuhan sai manyaroso? Mulak ma da ho tu sarungmu jana disi ma ho sonang!’

JEHESKIEL 21:28

“Ale anak ni jolma, maralatan ma ho! Paboa ma tu halak Amon na mangalayasi Israel i, Au Tuhan Debata mandok, ‘Madung hobas sada podang laho manyambol, madung digarut podang i manyirlak songon hilap, anso singkop laho mamunu.

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

MATEUS 26:54

Tapi muda songon i, dia ma tulus tarjadi na nipaboa ni Buku Na Badia i hian, na angkon tarjadi songon na masa sadari on?”

LUKAS 21:19

Muda martahan hamu jana sobar, dapotan ngolu ma hamu.”

LUKAS 21:9

Ulang pola mabiar muse hamu umbege barita taringot tu angka porang dohot hagaoran. Angke angkon jolo masa do sudena i. Tapi i pe nada na giot ari parpudi dope.”

LUKAS 22:37

Angke Au mandok di hamu! Angkon tulus muse dope tu Au hata na tarsurat di Buku Na Badia na mandok, ‘Etongon ma Ia songon sada halak parjahat.’ Angke sanga aha na tarsurat di Buku Na Badia i taringot tu Au, saonnari ma tarjadi.”

JOHANNES 14:1

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

2 TESSALONIKA 2:2

Ulang ma manigor ganggu sanga tarsonggot rohamunu hara ni angka barita na mandok, na dung ro Ari Ni Tuhan i. Betak sian na hasusuran do haroro ni barita i sanga na nidok halak sajo do; sanga betak na adong do halak na mandok jungada hami suratkon songon i di suratnami.

HALUMBAAN 6:4

Dung i ruar ma sada nari kudo na asing. Na rara sun do tompa ni kudo i. Dilehen ma kuaso tu na manengget kudo i laho mangagohon hadameon sian portibi on, anso marsimatean jolma i na sada tu na asing. Dilehen muse ma tusia sada podang na godang.