MATEUS 24:51 - BIBEL JAMITA NA DENGGAN

⁵¹ Tontu balbalon ni tuan i ma i so mangantarai, sarupahonon ni tuan i muse ma ia tu halak pangalancap. Disi ma adong andung-andung dohot na patungaripon.”

MATEUS 24:51 ပူးပေါင်းရင်းမြစ်များ

JOB 20:29

Songon i ma da bagian ni halak na so hasaya, i ma na nitontuhon ni Debata bagianna.”

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JEREMIA 13:25

I ma bagianmu na dung Hutontuhon hara ni na nihalupahonmu Au jana porsaya ho tu angka gabus.

MATEUS 22:13

Gabe didok raja i ma tu angka naposonia, ‘Tambat ma pat ni bayo on dohot tanganna i, dung i ambungkon hamu tu balian tu inganan na golap i. Disi ma ia tangis jana patungaripon.’ ”

MATEUS 24:50

Ro ma tuannia i di ari na so diambangnia, dohot di jom na so diboto ni naposo i.

MATEUS 25:30

Ambungkonon ma naposo na so hasaya i tu hagolapan parbalian. Disi ma ia tangis patungaripon!’ ”

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

LUKAS 12:46

Di na sadari, hatiha na so ditagam roha ni naposo i, ompot ma mulak tuannia i. Gabe sijaljalan ni tuanna noma naposo i jana sarupa do bagiannia dibaen dohot angka halak na so porsaya.

LUKAS 13:28

Dung diida hamu si Abraham dohot si Ishak dohot si Jakob dohot sude angka panurirang marsonang-sonang di Harajaan Ni Debata, gabe tangis ma hamu jana mardangol situtu angke anggo hamu sandiri ambungkonon do tu ruar!