MATEUS 24:49 - BIBEL JAMITA NA DENGGAN

⁴⁹ ‘Honok dope anso mulak tuanki,’ gabe dipungka ia ma mambalbali angka naposo na asing i, jana angka mangan dohot minum-minum ia dohot halak na asing.

MATEUS 24:49 ပူးပေါင်းရင်းမြစ်များ

PODA 23:20

Ulang ho margaul dohot parmabuk sanga halak na songkal,

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

JEHESKIEL 34:3

Susuna i diinum hamu, imbuluna i dibaen hamu gabe pakean, jana biri-biri na mokmokna i disambol jana dipangan hamu. Nada jungada dipature hamu angka biri-birimunu i.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

MATEUS 18:28

“Tapi di na kehe i haruar naposo i, marsuo ma ia dohot dongannia, rap naposo do halahi. Adong utang ni dongannia i tusia sanga na piga pulu ribu. Hape ditangkup ia ma manigor dongannia i lalu dipingkok ia jana didok ia ma tu dongannia i, ‘Garar sude utangmi tu au,’ ning ia.

MATEUS 24:48

Tapi muda jahat do naposo i, didok ia di bagasan rohania,

MATEUS 24:50

Ro ma tuannia i di ari na so diambangnia, dohot di jom na so diboto ni naposo i.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

JOHANNES 2:10

didok ia ma tu bayo i, “Anggo somalna anggur na dumenggan do parjolo dilehen halak. Jadi dung tarbahat diinum angka tamu i, i pe anso dilehen anggur na somal. Hape disimpan ho dope anggur na dumenggan, on dope anso diparuar ho!”

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

2 KORINTUS 11:20

Muda diparhatoban halak hamu, sanga muda dipaksa halak jana dibuat untung sian hamu, jana sai gumincat dirina dihilala sian hamu, jana ra manampeleng hamu, sobar do hamu disi.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

HALUMBAAN 13:7

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.

1 SAMUEL 2:29

Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?