MATEUS 24:39 - BIBEL JAMITA NA DENGGAN

³⁹ Jadi di na nitondong ni banjir i halahi sude, disi pe anso tarhalak halahi taringot tu na masa i. Laing songon i muse ma na giot masa, muda ro Anak Ni Jolma i.

MATEUS 24:39 ပူးပေါင်းရင်းမြစ်များ

PAMUNGKAAN 7:23

Dipatimpas Tuhan sandok na mangolu di tano on – jolma, binatang dohot unggas. Hum si Noak ma i na so mate dohot sude na rap dohot ia di kapal i.

PODA 23:35

Jadi gabe dokkononmu ma, “Na hona pukul ni halak do au lakna jana ditampeleng, tapi nada huingot sanga aha na dung tarjadi. Ah, mondohondok sajo au! Porlu dope minum au!”

PODA 24:12

Bolas do dokkononmu, “Nada ahana i di au.” Tapi diboto Debata do pikiranmu jana adilanNa do ojahan ni pikiranmu. Dijago Ia do ngolumu jana baloskononNia do di ho marguru tu pambaenanmu.

PODA 29:7

Diboto halak na burju do hak ni halak na gale, tapi anggo halak na jahat nada diastuisa be.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MATEUS 24:30

Dung i pe anso tarida tanda ni Anak Ni Jolma i di langit. Anggo disi tangis ma sude bangso na satano on, marsak. Diida halahi ma Anak Ni Jolma i ro di bagasan ombun mardongan kuaso dohot hasangapan godang.

MATEUS 24:37

Songon di hatiha ni si Noak, songon i ma saulahon pangalahona, muda ro Anak Ni Jolma i.

MATEUS 24:40

Di hatiha i adong ma dua halak markarejo di saba: Sahalak dioban, na sahalak nari ditinggalkon.

LUKAS 19:44

Roncohonon ni halahi ma ho, songon i sude halak na adong di bagasan tembok ni kotami; nada dipadiar halahi umpe sada batu di ginjang ni donganna, hara ni na so diparrohahon ho sanga andigan Debata ro giot paluahon ho!”

JOHANNES 3:20

Sude halak sibaen na jahat magigi do i tu na torang; nada ra ia ro tu na torang, angke nada jop rohania haidaan pangalahonia na jahat i.

BAENON NI ANGKA RASUL 13:41

‘Tangkas ma parrohahon hamu, ale angka pangincahi! Homang ma rohamunu, lopus mate! Angke Hubaen do di hatiha on pangalaho na so tarhaporsayai hamu sandiri, haru pe adong halak na patorangkonsa tu hamu.’ ”

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

2 PETRUS 3:5

Sangajo na so ra do halahi umbotosa paboa na nitompa ni Debata do langit dohot tano on narobi markite-hite hata ni Debata; tano on pe sian aek do ditompa jana mardongan aek;

HAKIM-HAKIM 20:34

Angka halak pilian do halahi sian Israel; sampulu ribu halak bahatna. Tarjadi ma parporangan na jebu di na mangaroro sisampulu ribu halak i tu Gibea. Nada adong sangkaan ni halak Benyamin bahaso na giot talu noma halahi santongkin nari.